Aakwashigwana yu uhala nakansela gwawo moElim

0
282
Aakalimo yomoElim ya gongala pamwe nakansela gwawo omusamane Gerhard Shiimi. Aakwashigwana ya pewa iikulya yoondoha dhoohi, molwashoka mbaka oye na eshongo lyoondya.

 

ELIM-Aakwashigwana yomoshikandjohogololo shaElim moshitopolwa shaMusati oyali ya uhala pombelewa yawo nakansela opo ya kundathane shoka ya hala shaningwa moshikandjohogololo shoka mwakwatelwa omatala gokulandithila iipindi.

Aakalimo oyendji yomoshitopolwa muka oyali ya ningi omutumba pombelewa mpoka naandhika odhali dha topolwa miiluku itatu omolwiinano okuza komikunda dhomoshikandjohogololo.

Aakalimo mbaka oyali ya longitha ompito ndjika okupa kansela omayele nkene ena okutidha po ondjala noshowo okuhumitha oshikandjohogololo shawo komeho unene ngele tashiya kombinga yenota.

Mbyoka kwali tayi dhengwa omuthindo miigongi moka okufululula omatale ngoka ga filala opo iimuna kaa yi se we enota pethimbo lyokwenye.

Okwa hololwa wo omadhilaadhilo kutya moshikandjohogololo shika na mu tulwe omatala opo aakalimo mboka taya nyangadhala niinima yawo ya mone ehala lyaandjuka okulandithila po.

Aagundjuka oyali wo ya lombwele kansela kutya na ninge oonkambadhala opo a kale a ninga ombelewa nenge okatungo okashona ko ku gongalela aagundjuka opo ya wape okukundathana iinima ye ya pamba.

Kansela Gerhard Shiimi okwa li a nyanyukwa moku pewa omayele ngaka ta ti ye okuna oku longa nuudhiginini oshoka ngashingeyi iikandjohogololo otayi pewa iimaliwa yawo yokomumvo yilonge yoyene.

“ Onda pandula noonkondo sho twa kuutumbeni pamwe tu tuleni uukuni kumwe. Otu na okukala twa longeni nawa ngele iimaliwa ya thiki mombelewa yetweni,” osho Shiimi ati ngaaka ye ti imemeha.

Shiimi okwa pandula noonkondo oshoka anuwa oshigongi shoka osha enda nawa no kapena nando ogumwe ali ena enyenyeto lyaana oshilonga.

Ashike okwa tsu omuthindo kutya omatala ogena oku talwa mbala   oshoka oga simana notaga kwathele aantu yiinyangele yo yene opo kaa ya se ondjala.

Okwali woo a popi kutya omahala gepangelo moshikandjohogololo she agehe oga pewa olusheno no ka kuna we esiku epangelo li galukilemo mbala oku tula olusheno pomahala gomalandithilo.

“ Shika oshinakugwanithwa shetweni ngashingeyi ihe mboka muna ootransformer dhomalusheni dhopaumwene kwatheleni ya kweni ya kuthemo ya tule momagumbo gawo mboka taya vulu,” kansela a kumagidha ngaaka.

Ota ti ngele pwa monika oshimaliwa ombelewa ye otayi kuthaa kuthako ngaa ombinga nombinga opo kehe momukunda mukale ngaa muna uuyelele.

Shiimi okwati okwa pandula kelongelo kumwe lyaakwashigwana unene tuu mboka ya tondoka okuya koshigongi shoka a igidha moRadio.

Yamwe yomaakwashigwana mboka haya lala ya tala omundilo ya thika pethele oyali ya pewa oondooha dhoohi oku zilila mombelewa yaNgoloneya moshitopolwa shaMusati esiku olyo tuu ndyoka.

 

 

LEAVE A REPLY

Please enter your comment!
Please enter your name here