Egongalo lya Immanuel lya ningila aahungimwenyo oshigongi

0
299

 

OSHAKATI-Engathithi enene lyaahungimwenyo monooli olyali lya gongala poshinyanga sho Oshakati Country Lodge okudhimbulukwa esiku lyAahungimwenyo muuyuni ndyoka hali dhimbulukwa omumvo kehe.

Sho ali ta popitha aahungimwenyo, Charmaine Oosthuizen okwa ti ongeleka ya Immanuel oyi li ya simaneka ekalepo lyaahungimwenyo momidhingoloko dhoshilongo onkene oya kutha onkatu ndjika opo ya gongaleke aahungimwenyo yo ye ya kumike moshilonga shawo shoka shili sha simana moonkalamwenyo dhaantu.

Okwa ti oya nyanyukilwa shili iilonga mbyoka aahungimwenyo ta ya longo oku kwathela oku panga iilalo yopankalathano noku kwathela oshigwana momashongo ngoka shataalela esiku nesiku.

Oshigongilonga shika otwa hala tu mu pe omukumo opo mu ka longe nuudhiginini opo mu kale oolamba ta dhi kwathele mboka ye li momilema na ita ya vulu sha oshoka aahungimwenyo oyo awike yelipo oku pulakena uudhigu wawo.

Johanna Teofilus omuhungimwenyo omukuluntu moshipangelo sha Enhana okwa li a holola enyanyu lye nkene oshigongilonga shika sha li sheya kwathele unene tuu sho aahungimwenyo ha ya longitha ethimbo olindji okupulakena omaudhigu goshigwana, naashika Johana okwa ti oha shi ya eta monkalo ndjoka opo ya kale ya itaa yi itonatele yoyene oshowo aaholike yawo.Shika oha ye shi ningi molwashoka oshigwana oshe ya ta la ongoolamba dhuuyelele mookweenda kwa sho.

Okwa ti aahungimwenyo (Social Workers) oha ya dhana onkandangala moonkalomwenyo dhaantu oyendji , nuuyuni waana aahungimwenyo ota wu kala wuna uupyakadhi owindji, ta ti olwindji oya li ya tula oondjokana ndhoka hadhi kala dhili pokutekapo kumwe, noku kwathela okupupaleka oomwenyo dhaamboka ya kundukidhwa komaudhigu ogendji.

Okwa ti ota ya longo nuudhiginini oku ninga iikonga opo ya gandje omauyelele koshigwana ,shi tameke okulongitha omayakulo gawo uuna she ga pumbwa.

Okwa ti ngele aantu oya tameke oku eta omikundu dhawo kaahungimwenyo nena ota shi ka kwathela opo aantu ya mone euveko lyagwana nkene aantu yakwawo ha ya ihumbata nonkene ye na okunkondopaleka onkalathano yesiku kehe.

Okwa ti kehe modoolopa,miipangelo noshowo miikandjohogololo moNamibia omuna omayakulo gaahungimwenyo, onkene aakwashigwana na ya longithe oombelewa ndhika uuna yena omaudhigu ge ya kundukidha.

Okwa tothamo omaudhigu ngaashi gopashimaliwa,omahepekathano moondjokana, iimaliwa yuuthigwa itaa yil ongithwa nawa, mboka ya pikwa kiikolitha, nomaupyakadhi pokati kaamboka yeli mohole.

Oshigongilonga shika osha li sha kalwa kaahungimwenyo yaza kUuministeli wUundjolowele, Uuministeli woonakulwa aakulu,GIPF , UNAM Student Council, nosho wo kUuministeli wUukashike kookantu.

 

LEAVE A REPLY

Please enter your comment!
Please enter your name here