Ekandjo okwa honga ovana omifyuululwakalo

0
323

 

Lüderitz. Omunamido 75  Titus Ekandjo ota tumbula kutya nonande akala oule weedula di dule po 53 mo Lüderitz omo a dalela ovana veli va 6 ovalumenhu va tatu novakainhu vatatu, okwa ti onghee ngoo a diinina omifyuululwakalo  doo inakulu.

Oshitivali omifyuululwakalo edi neenghedi nghalelo okwe di pa yoo ovana aveshe vahamano.

Tatekulu Ekandjo okwa hokolola nghene sha enda opo eli hange eli modoolopa ya Lüderitz modula 1963.

Ota hokolola kutya yeemwene odalele yo yomoKapuku meongalo Olupumbu,  pefimbo linya ovali keongalo la Elim,Muukwambi moshitopolwa sha Musati.

Ngaashi sha li pefimbo linya, ovalumenhu ovali hava ka djala okaholo kOndangwa nokutumwa vaka longele meefalama doilumbu, ile meemhina moushimba.

Ekandjo ota hokolola kutya okwa djala okahololo oikando ivali.

Odula 1960 okwa ya kOndangwa taka djala okaholo aye meefalama daTjiwarongo omo alongamo ashike eehanhi 12, okondalaka eshi ya xula  tashuna keumbo. Modula 1961 okwa djalulula okaholo pOndangwa  ta tumwa keefaalama do kOutjo.

Ota tumbula kutya kOutjo ina twamako okwa kala eembulu dina okatongotongo, ovashuukukako  vo na kaume kaye Ndalikokule Uusiku ta vai kOtjiwarongo keemhadi, okudja opo ova ya koTsumeb, oko  aka longa oilonga ta ti kutya okwali ei panda yokushanga eetekete dovalaule vakwao momhina ya Shomeva.

Okondalaka eshi ya xula okwa kwafelwa ku kaume kaye, omukanda weembwiti oo wemuendifa mondjila, nande kauna edina laye opo aye koSwakopmund. Ko Swakopmund oko nee aka nyolelwa omukanda woumbwiti una edina laye opo aye aka longele koLüderitz modula 1963.

Eshi euya ko Lüderitz okweuya  alonge mofaablika yokulonga omakolofishi(Crayfish) hayuufanwa LBC, a kala ta longo oilonga yokuvalula oipakete omo mwa longelwa omakolofishi.

“Ovanailonga valimo vahapu ovali ovakainhu, ohandi valula kutya ou okwapakela oupakete vangapi, ota ka kwata oimaliwa ifike peni kexuliloshivike.” Ekandjo ta fatulula. Okwa longamo okuhovela 1963 -1964.

Modula 1965 – 2005 okwa ka longela kofaablika yeeshi yedina SWAFIL, a kala ha longele konduda yokukosha omakalanyana ova nailonga.

Modula 1971 Titus Ekandjo okwa hombola omuholike waye Jane Ekandjo. Mee Ekandjo nayee yoo okwa kala omunailonga , okwa longa tete mo faablica yeeshi yedina Angra Pequena , nokonima okwa ka longela kofaablika ya SWAFIL  oko alonga fiyo osheshi aya mopendjela.

Tate Titus na meme Jane Ekandjo ovapewa omaano ounona veli va 6 ovakainhu vatatu novalumenhu vatatu. Omunambelewa omukulunhu oo elilepo eedjo dopanhu mo MTC Tim Ekandjo okuli  omona omutitano mokudalwa ku tate Titis  na meme Jane Ekandjo.

Ekandjo okwa tumbula kutya oludalo laye okwe litekulila Oukriste, yee okweva longa yoo omifyuululwakalo, dooinakulu.

Kombinga ye humo komesho modoolopa Tate Ekandjo okwa tumbula kutya odoolopa ya Lüderitz odoolopa iyamba, shaashi omuna omhina neefaablika deeshi.

Okwa kumaida ovaleli vodoolopa opo vafile oshisho eendjila odo daya komalukanda. “Ngaashi nee kolukanda letu oku ko Police Camp eendjila oda twima  ondwi, onghene naditulwe oteya”. Ekandjo ta indile.

Okwa indila yoo opo eefitola unene tuu doikulya dihapupale modoolopa. Mo doolopa ya Lüderitz omuna ashike ofitola ya OK no Spar.

Ekandjo okwa indila ovadali noshiwana ashishe va indile vamanamo opo oubotsotso uhulepo moshilongo.

“Mounyuni wonale okwali hatu ende twa tila omakakunya, ndele mounyuni wopaife  ohatu ende twa tila  eebotsotso.” Ekandjo osho atumbula.

EKANDJO-B-(2)

LEAVE A REPLY

Please enter your comment!
Please enter your name here