FFF ta hwepopeke onkalo momalukanda giipeleki moVenduka

0
269

 

Windhoek – Ehangano lyaFrank Fredericks Foundation (FFF) olya li nesiku lyuudhano oshiwike shika kohi yoshipalanyolo “Athletics for a Better World Programme” . Uudhano mbuka owa li wa ningilwa molukanda lwiipeleki lwaBabilon kuumbangalantu waKatutura.

Aakuthimbinga konyala ye li omilongo hamano na yane  (64) aagundjuka ya za molukanda lwa Babilon momwene, One Nation oshowo Okahandja Park oya li ya kuthombinga. Ayehe mboka oya li ya gongala pokapale inaaka longwa nawa pamuthika guudhano  okuulika iitalendi yawo konima sho mbaka ya kala ta yi idheula uule woomwedhi odhindji.

Oospana hamano dha thikama maamati naakadhona dhili mewiliko lyaadhani aakulu naanuunongo muudhano  oshowo  aadhani mboka ya li ya pewa omakwatho gopashimaliwa okuza ku FFF odha li dha kuthombinga momaudhano  ga yooloka ngaashi okumatuka, okudhana etanga lyokoompadhi lyaadhani yaheyali kombinga nosho tuu. Aadhani ayehe mboka ya kuthombinga muudhano mbuka oya za momalukanda ngoka giipeleki momidhingoloko dhomalukanda giipeleki.

Aakuthimbinga oya li wo ya mono ompito oku kumikwa  mokupopithwa komunambelewa ngoka ha kwathele mehumithokomeho lyomaudhano moshilongo  omusamane Manuel “Lito’ Carballo.

Oshinenenima kaakuthimbinga oyendji puudhano mbuka oshali oku mona ompito opo ya kale mekwatathano nenyakwa lyaNamibia lyOlimpika Frank Fredericks, ngoka a sindana oombandi dhoshisilveri dhili ne muudhano wOlimpika..Fredericks oye wo Omunashipundi shehangano ndika FFF. “Fredericks omwiishonopeki.I tandi shi tiaale kutya ye okwa longitha esiku lye oku uhala ta thanekwa pamwe niilyo yoospana muudhano mbuka oshowo a kala ta kumike oospana ndhoka dha kuthombinga muwo.” Osho omutali gumwe guudhano a popi.

Omanga uudhano inaa wu tameka , omukuthimbinga gumwe  ngoka a li keena etegameno kutya moshigwana she otamu kala aadhani oshowo uudhano okwa li ta pula kutya  omolwashike  aantu ngashi ooFredericks ya tokola oku eta uudhano komalukanda giipeleki ngaashi Babilon hoka kuna aantu ya  yeethiwa no ya fa yeekelwahi?.Epopyo ndika otali ulike nkene uudhano wa simana noshowo wu na oonkondo oku etapo elunduluko ewanawa lyopankalathano mokati  kaakwashigwna  mboka ya za maantu ya ningililwamo nenge mboka yaana oonkalamwenyo dhili nawa.

Uudhano mbuka owa li wa kwashilipalekwa noshimaliwa kehangano lyo koSuomi lyedhina Wärtsilä, oshowo ku Coca Cola Namibia Bottling Company nErongomed mboka ya hala okuhwameka aakuthimbinga opo ya kale nohokwe yuudhano nenge yomaudhano. Oya longitha uudhano wetanga lyokoompadhi  mboka wu holike unene momudhingoloko ngoka.

“Shika osho elalakano. Okulundulula onkalamwenyo okupitila muudhano , okuhumithakomeho onkalamwenyo  yuundjolowele mokati kaagundjuka mboka omathimbo ogendji yaana ompito oku kuthombinga muudhano  momikunda dhawo” Fredericks a ti. Aakuthimbinga ayehe kehe gumwe okwa pewa ombandi  okuulika ombepo ombwaanawa yuudhano.

Aasindani yomakopi haga taambathanwa ongaashi ta ya landula.

Oshingoli – Cheetahs mewiliko lya lyOmudheuli Immanuel.

Oshisiliveli – Buffalos taa wilikwa kOmudheuli  Marshall.

Oshikushu  – Leopards ya kwatelwa komeho komudheuli Ismael.

 

Iizemo ayihe yuudhano oya li ngeyi:

Okumatuka;

Ehala lyotango  –Leopards

Ehala etiyali – Buffalos

Ehala etitatu  – Cheetahs

Ehala etine – Elephants

Ehala etitano – Lions

Ehala etihamano – Tigers

 

Etanga  lyokoompadhi:

Ehala lyotango – Cheetahs

Ehala etiyali – Buffalos

Ehala etitatu – Leopards

Ehala etine – Tigers

Ehala etitano – Elephants

Ehala etihamano – Lions

Aakuthimbinga moprograma ndjika  otaya ka thigathanpo ishewe  oku uka pehulilo lyonuumvo  okukondjela esimano , pethimbo lyepito  lya huguninia. Poshiithanene mpoka opo tapa ka gandjelwa iimaliwa yoku ilongitha  kaadhani oohandimwe mboka ya longa nawa. Iimaliwa mbika otayi longithwa melongo oshowo okufutila omaudhano gaailongi aadhani mbaka.

LEAVE A REPLY

Please enter your comment!
Please enter your name here