Imawida iilongekidhila uudhano waagundjuka  

0
226

 

Windhoek – Aadhanitanga aagundjuka ye vule eyovi limwe  ya za moshilongo ashihe otaya kuthombinga methigathano lyetanga lyokoompadhi uule womasiku gatatu moVenduka.

Uudhano mbuka wokomumvo wa kwashilipalekwa komahangano Retirement Fund Solutions SKW Wecke & Voigts , ohawu dhanwa kaagundjuka, naambuka wonuumvo otawu tameke nena moshilandopangelo.

Ehangano hali longo nomapungulo giimaliwa yoopenzela dhaaniilonga, Retirement Fund Solutions otali kwashilipaleke uudhano mbuka ngashingeyi oshikando oshitimulongo nuumvo

Opo li tyapule onkatu ndjika lyaadha ndika olya tokola okutulapo oshimaliwa shoo N$ 40,000 oku soshimpwiyu kutya ethigathano ndika otali tsikile okukala olyo oshiyelekitho sheyokomeho muudhano wetanga lyokoompadhi moshilongo.

“Uule wethimbo lyapiti otwa koneke  sho ethigathano ndika lya koko na otashi uvitha ombili, okutseya kutya yamwe yomaadhanitanga moshilongo pethimbo ndika, oya pitile muudhano mbuka mondjila yawo yokuya pomuthika mpoka yeli nena.

“Otwe shi popi ethimbo ele kutya pwaana ekwathelo lyomahangano gopaumwene nenge goongeshefa, eyokomeho lyuudhano wetanga lyokoompadhi unene tuu mokati kaagundjuka otashi kala  ashike ondjodhi yowala”.

“Nomolwetompelo ndika  tse otwa taambako oshinakugwanithwa shetu ongaakwashilipaleki aanene yethigathano ndika oshikando oshitumulongo” osho Kai Friedrich, Omuwiliki gwoRetirement Funds Solutions a endulula.

Omundohotola Anibal Rego, Omunashipundi gwoklaba yuudhano wetanga lyokoompadhi yaSKW Football Division, okwa ti osha simana opo omahangano goongeshefa ga kuthombinga muudhano wetanga lyokoompadhi.

“Omimvo dha piti uudhano mbuka owa mona uuwanawa okuza mekwashilipaleko ndika lya Retirement Fund Solutions, oshoka ngele okwa li hasho nena okulongekidha ethigathano ndika okwa kala  nenge okwa ningi okudhigu.Oshikwawo ando ka sha li ngeyi ando oshetu dhigupalele okukokeka ethigathano ndika okuli ninga limwe enene lyuudhano wetanga lyokoompadhi lyaagundjuka oshilongo ashihe”.

Aalongekidhi oya longa neitulomo okutula ayihe pomahala omanga uudhano mbuka inaawu tameka nena moVenduka, okwa gwedha po a ti oklaba SKW oyu uvite etumba  mokukwatela komeho omalongekidho gethigathano ndika mehumitho komitse lyaadhanitanga aagundjuka yomoshilongo.

“Otatu hiya aaholitanga naayambidhidhi yuudhano wetanga lyokoompadhi opo ya holoke momwaalu omunene okutu waimina mehuliloshiwike pokapale kuudhano ka SKW” pahapu dhomushangwa gwehiyo gwa zi ko klaba ndjika.

Oku ya mokapale posheelo itapa futwa sha, ishewe aalongekidhi oya tulapo ongundu yaa yakuli mboka taya landitha iikulya yomaludhi ga yooloka pethimbo lyuudhano mbuka.

LEAVE A REPLY

Please enter your comment!
Please enter your name here