Olye ta shuna pevi moliha yoNorth West First Division ehuliloshiwike ndika

0
222

 

ONGWEDIVA-Esiku lyepangulo moliha yo First Division yokoNooli olili popepi konima sho oosipana ndhika dhali dha tegelele ethimbo nuule omolwo omukundu gwoshimaliwa ngoka gwa li gwa adha oliha ndjika sho NFA ali andopa oku gandja iimaliwa pethimbo.

Pevi lyoliha ndjika opuna osipana yo Black Africa Warriors,Golden Bigs na Golden Bees mbaka ayehe oyena iitsa 19 konima yomaudhano 20.

Osipana yOngwediva City oyi li puutine okuza pevi moka yi na iitsa 21 na oyili wo popepi noka kololo kokugwamo moliha ngele oosipana dhili konima ya yo odha toola iitsa momaudhano gadho gaali ga hugunina.

Ongwendiva City ota yi ka talela po Oshikuku Young Stars ongula mOlyomakaya, omanga Golden Bigs ota ka tsakanena nOnambula yaMukatha a tale ngele ota ka nwako omeya pokapale kaTsandi. Onambula United oya kaleka po ehala lya wo moliha ndjika.

Golden Bees ota ka talelwa po ku African Lions omanga Black Africa Warriors ota ka talela po Life Fighters ngoka eli enyakwa nale, Tropical Heat ota ka ya mondambo na KK Palace, ye Eleven Warriors ota ka tya pwaka na Touch& Go.

Mosoodaha Black Africa Warriors ota ka dhana uudhano we wa hugunina na African Lions, omanga Golden Bees ta ka ya kegumbo lyomanyakwa Life Fighters.

Onambula United ota yi ka taambulako Ongwediva City pOtsandi omanga Young Stars ta ka kunda Golden Bigs pOshikuku, Eleven Warriors oyili na KK Palace omanga Tropical Heat oku li na Touch & Go, oosipana ndhoka dheya tango mokushanga odho dhili megumbo.

LEAVE A REPLY

Please enter your comment!
Please enter your name here