Sally a pititha okavidio kongalo Natural

0
364

 

Windhoek-Omuiimbi onkulungu  a tseyika nawa mehangano lyoongalo nedhina Sally Keya aka Boss Madam, okwa pititha okavidio ke okapeepeeka kedhina Natural, Etitano lyapiti.

Sally okwa kala noku tseyitha okavidio haka konyala uule wiiwike iyali komapandja gointaneta omwedhi nguka, nokali kapiti pambelewa mEtitano oshiwike sha yi.

Okangalo Natural oka ningwa ku DJ K-Boz, noka shangwa ku Sally yemwene, omanga okavidio ka thaanekwa kehangano lyoReggie Film Crew, ndyoka hali thaaneke uuvidio uuwanawa lela.

Sally okwa li a shanga kepandja lye lyoFacebook  ta ti kehe gumwe nakale a tala okavidio haka opo a mone uunkulungu we, onga gumwe  gwomaahikingalo aakiintu moshilongo. Okavidio haka okwe ka pititha ishewe ongehwahwameko lyoongalo dhe ndhoka dha tegelelwa moalubuma ye tayi kapita nuumvo.

“Aayambidhi yandje, naaholi yoongalo dhandje, otandi mu pe oshipambu shoongalo dhandje opo mu inyanyudhe, manga oalubuma ta yi piti,” Sally ta ti ngaaka kepandja lye lyoFacebook.

Okavidio ngashingeyi ota ka taandelelithwa komapandja ogendji go intaneta, unene tuu koFacebook hoka oko kali kapiti tango. Ngashingeyi okavidio oka monika nokupulakenwa kaantu yeli  lwopo11 789, muule womasiku ashike gatatu, okuza shoka tseyithwa mEtitano lya yi.

Oyendji oyakala noku popila okavidio haka, ta ya ti oka ningwa nuukeka.

Sally oye onkulungu yapyokoka mokwiimba oongalo dho Afro pop, Shambo noshowo omithigululwakalo, noyendji oye mu tseya nawa sho a pitithile oalubuma ye ndjoka ontiyali yedhina Mukwanekamba omvula ya piti.

Oalubuma oya li yi na ehwata lyoongalo 13, noyali yina oongalo ndhoka dholela ngaashi Sweet Love, Kukutika na The Bigger the Better.

 

 

LEAVE A REPLY

Please enter your comment!
Please enter your name here