TUYENI KOLUPALE LA TUYENI: Tate Bolo ya Froli kufapo utale ongodi yoye oto dengelwa toxo!

0
360

 

Ovashamane mo Namibia itamu kala ina mu lundilwa, osheshi oshili efimbo limwe ohamu ningi oinima itilifa, onghee nee oikoya aishe oina okuninga yeni naai yeheli komapepe eni.

Ondaya meenghundafana pangodi nodalele yokOshipaya mOmbalanhu, Bolomeus ya Frolinus adalwa mo 01 Auguste 1954, a fikola po Anamulenge ofikola yotete, nafiyo ei fiyepo a ka djale okaholo kOndangwa 1975 opo amone omhito yokuya koushimba.
Onda mona nee omhito okukundafana na ye pangodi, a popye ponhele yaye noponheele yovashamane aveshe moNamibia nokutya oha ve sheende naana ngaipi molwaashi keshe fiku moshilongo otaku ti ngoo ovalumenhu tava ningi oikoya itilifa, mbela kavena omaxuli  ovana voo meme ava?

Eenghundafana detu naye odali  ngaha.Halou halou!!  popya ondiku udite tatekulu. Tate Bolo oko ngoo muli komaonda oko hano vakwetu, oshili nghe ngo mwaile nale nale?Olye tapopi hano?

Oxokulu YA TUYENI handi denge okudilila kOlwiili kOkalongo.
aayee opo tuli kaume ashike oshili oushimba wopaife otau tu nyenge mbela wani katu shiwete tuu nawa, oshafa ngo osho shituwete.
Aaii!  tate Bolo onda hala naana u nyamukule komapulo aa andi ke ku pula apa, noponhele yovashamane aveshe moshilongo, ndele oshili inandi hala u wedepo ove ukufepo popya ashike oshili oinima ei hamu ningi.

Tatekulu YA TUYENI, pulenge kaume osheshi naame owa hanga ndina ondjala yokupulwa osheshi ashike pehena ou ta pulange, ashike ohandi ka nyamukula ngoo apa handi dulu, ita ika nyamukula noonanghali vokeulu ndi he vashi.
Haiti tate Bolo, otamu lundilwa nee eshi, mu li koushimba oko, vati onye ngoo hamu nangala mee bar domalodu nye tamu te omashina  mwafa oukadona tava xutula oilya poshini, odo shili ngo edi ta di tongwa ngaha?

Oshili YA TUYENI ouli mondjila, osheshi ovashamane vamwe otwa kwatwako unene nai koikolwifa nokuta omashina she hatu dimbwa omaumbo nomaludalo etu.

Aai! Bolo ya Froli, ovakulukadi mo Namibia otava tanguna ne, osheshi vati ovashamane vamwe ohamu tokelelwa ashike nye momaumbo tamu uyamo omaufiku naashi tamu i meenduda doku nangala, ohamu fikile ashike tamu kofa nye otamwoono, ohamu kala tamu likofifa oipupulu ilo ohamu kala mwalya nale oku hamu tokelwa omaufiku efike opo

YA TUYENI oshili ouli mondjila, ame nonande ihandi shiningi, ovashamane vakwetu vamwe otava dana onghadangala moinima ili ngaha nokutwa ovakulukadi vavo komaxuli noinima inaa i ndjanga nawa, ashike omunhu efimbo limwe oho kala ngo waloloka shili osho uwete ihoo pula upewe ouvalelo wamwene weumbo.

Tate Bolo ya Froli,wa loloka wa longa shike ove inoo longa meumbo, ohamu kala muudite ngaipi ngeenge tamu uya momaumbo eni omaufiku mwadjenga komilungu, osho hashi ulike kutya omwalya nale oku mwatokelwa? omushi ngo nokutya oinima ili ngaha ohaiveleke ovanhu keemwenyo, mbela ngeno oove ne wa tokelwa meumbo ndele omwalikadi woye eshi teya okwa lya nale ototi ngaipi, nye hama handu mai mu dule neenghoshi?

YA TUYENI ouli mondjila, ashike efimbo limwe ngeenge twa tokelelwa omaufiku itashiti naana mutu otuna apa hatu kala hatuli oinyenye, ashike efimbo limwe oto kala ngo tonhu oukende voye uli poima novashamane vakweni, eshi ngo ne to keuya keumbo omukulukadi woye okwe ku tilyanekela omesho.

Tate Bolo otaku popiwa ovashamane vamwe vomunye hamu i momilele nounona vashona vamwe nokuli ovefike poinovele yeni ei hamukala mwafiya komaumbo navamwe ohamukala tamu va kufa peeshikola nomatukutuku eni, oshike hashi mu ningifa ngaha, ilo ohamu kala tamu tapata koshike opo mu longe oilonga yatya ngaha, ilo otamu totelwa eendaka hano?

YA TUYENI ouli mondjila, ashike oupyakadi umwe ndamona, ounona voukadona navo ovenapo ngo oshiponga opo, molwaashi efimbo limwe ovo nokuli hava kala ta ve likwatele ovashamane ku voovene, omolwomaliko aa eli moshilongo omu anyonauna ovanhu, ye shimbungu ne ngeenge owe mu idilile mumwe noikombo yoye ouna ngo okuliyongola mongula.
Tate Bolo opo owa hala okutya ngaipi ngaho shimbungu eli mumwe noikombo, mbela ngeno oove ne oikombo yoye nde ipatela mumwe nembungu oto kala uudite ngaipi komwenyo woye ove ongo omudali, eshi mu hole okutwa vakweni nye ka mu hole okutuwa ngaho?

YA TUYENI oshoshili oulimondjila, otashi lulumike komwenyo okuhanga oshinovele shoye she li tonyena melume limwe omanga inaa shimana noshikola nokuli, ashike omaludalo aa opaife aa, oshili mbela kaena omatwi keemwenyo molwaashi ngeenge owa tameke to ka pukulula ohakati vali, hano owa hala okunyone nange eetendela dange, keshe umwe okuna yaye, onghee omunhu oto efa ngo ne katendele meenghwakutoka omo.

Uhuu!!  tate Bolo lombwelenge utale, opena omitoto tamu totelwa nye ovashamane ava muna eetuwa deebaki, vati konima yeetuwa deni okuna omatalashe ndele ngeenge tamu pulwa kovakulukadi veni momaumbo ohamuti vati outalashe opo hapakala omutumba eekashitoma deni, nde mboli vati omo vali hamu toolele ovafuko vamwe, hano iha mu kuta komaumbo eni ilo iha mu pewa nawa, ilo oikulya yokomaumbo oyo ashike inyenye?

Mmm tatekulu YA TUYENI, oshili owa tameka okupulange noonanghali vokeulu osho, ame osho ngo hai ku tila vali ngaho, oshinima shoovene naku kwatwa nokatalashe komukulukadi waye, motuwa yaye omo talile oinyenye, oshili nedi popye ashike nawa molwaashi ota nyatekifa omadina ovashamane naava twa shivika nawa kovakulukadi vetu hatu li humbata nawa.
Oshitivali, ovashamane ava havali eembelela meembiya komaumbo avo, ita shiti ovashamane atushe moshilongo ohatu djuulula oivelelwa pomadiko otave tu lundilifa she tu ka mone ngo twa hengwa kovakulukadi vetu, she katuna apa hatuuka, vakwetu, osheshi velineekela meetuwa davo.

Tate Bolo popya utale oshili yoovene, ohandi ku pula ndele oto  fiyeko vali oinima imwe, momeva moovene ihamu linyenge muhena okapuka, vati ohamu dala ashike ounona ovo hamu etelele koushimba weni oko ponhele yokuuya neekofa,eshi ohamu shiningile shike, ilo ovakulukadi veni ovo have mu lombwele mweetelele eekofa domesho komaumbo eni?
Tatekulu YA TUYENI, oshaningwa shili, ashike ovashamane ava twa koyola moifidi ndele hatu punduka, oshili ovakulukadi vetu ngeno nave tu diminepo ngo molwaashi halo naana elalakano lokuninga ngaho.
Aai! Bolo yaFroli, hano otamu uhala ashike tamu likoyola moifidi mwafa muhena omesho, otamu diminwapo lungapi omwafa ngoo onyemu kwetele komesho okuteyapo omaumbo.

Ahowe tatekulu YA TUYENI, katuna omalalakano okuteyapo omaumbo etu nande, ashike oshinima shimwe nda koneka, ovakulukadi vetu navo ava efimbo limwe ohave tu ningililemo molwaashi efimbo limwe oto di koushimba ndele oto hange vali meumbo loye mwa iwa eenyala ku mushiinda woye onghe naashi ondiwete kutya otashi teifapo omaumbo etu.

Tate Bolo ya froli, owa hala okutya ngaipi ngaho, ngheengo wa ile koushimba ndele to ningi eedula 4 ndele omukulukadi ta kala meumbo oye aeke, a tale kushilo aayee ta taale vali kouninginino aaee oshili okaana kovanhu na ka uhala ashike ta ka nangala takatu eendjodi doilulu tai  mbilikile odula, manga uli koushimba toli oushimba navakweni?

Tate Bolo ya Froli, manga inoo nyamukula nge onda hala okukupula vali ngaha, vati ounona voukadona hava kala konhopa ta ve li landifa, natango vati ovashamane neengwakutoka deni onye ngo hamu ke va fitikinako, hano oshike hashi kala tashi mu piyaaneke komalutu eni shiheshi okumwenifwa nde tashimwena?

Tatekulu YA TUYENI, ounyuni wopaife oshili otau ku limbilike, ame ne konhopa oko nonande ihai kalako, ondauda ngo ovashamane vamwe vepipi lange oko havakala ta ve linane omikuku oko, opafa vati pena nokuli nomushamane umwe kwali ayako, ndele vati otyaka ei ekeifanapo mboli okamona kaye, vo ova tameka ne okulipula nokamona osho. Kaanave otokongo shike oku? ko okaana aiye tate oove ndawana okupula eshi shekweeta oku nameme wafiya keumbo kwi, mboli oko hokala oku?

NB : Omadiladilo moshinyolwa eshi oo mushangi mwene ndele ka eshi a Kundana.

JOHN YA TUYENI
MRTUYENI76@GMAILA
CELL 0812988549

LEAVE A REPLY

Please enter your comment!
Please enter your name here