Uulema tawu shunitha omunona monima

0
393

 

EENHANA-Omunona goomvula hamano oku li meshongo enene tali mu shunitha monima neilongo lye.

Omunona nguka okwa kanitha ominwe dhokiikaha oshowo dhokoompadhi konima sho a gwilile momulilo pethimbo ena omimvo mbali.

Malishelinu Georgete ngoka eli omunasikola pOkavali Combined school, oha ende oshinano shookilometa ndatu lwaampoka niingondo mboka ya thigala po konima sho a pi.

Okwa hokololwa pauhupi kutya Georgete nguka okuna omagano posikola mpoka ashike oha shanga kashona oshoka kena ominwe kiikaha  ye oshitopolwa shoshikaha she shoka sha thigala po otashi kwata nuudhigu.

Omukadhona nguka okwa taalela woo omashongo ogendji mwa kwatelwa noku yolwa ku yakwawo mongundu yawo sho ta shanga noshowo shoka tali kosikola, naashika osha etele yina uutile kutya otashi vulika shi etele omwana uunkundi woku itula mootundi dhe dhosikola.

Yina Paulina Rosalia Shihengo okwa hokolola kutya ngashingeyi nonando omwana okuna omagano, okwi kwata pomutima kutya ota ka pondola sha molwomashongo ngoka ataalela .

Okwa hokolola kutya omwana ngoka okwa pya sho ali megumbo namumwayina mati noshowo suala ye omanga ye ali eli koshipangelo koKongo hoka ali ta pangwa oTB.

“ Ashike onda li nda haluka sho nda uvu kutya okaana kandje okapya shinyanyalitha. Sho ke ya moshipangelo moka oonyala tadhi ukililithwa kaapangi otadhi teka ashike ano kapya inandi shi mona nale,” Shihengo ati ngaaka ye a tula omwana komatundji.

Ngashingeyi okanona haka ina kamanguluka we oshoka oke niwe kohoni yokosikola sho ha ka yolwa ku yakwawo. Sho Kundana a pula ka ulike oonyala noompadhi okali ka tindi nokulila oshoka okena uumbanda.

Ngashingeyi yina ota pula ekwatho opo omwana a kongelwe opena ya ndulukilwa aantu kaa ye na oonyala oshoka ota ti kutya opena ha yi longithwa komwana ngashingeyi onene moonyala dhe naashika osho tashi etitha a shange kashona.

Okwa pula woo oongaku dha longelwa aantu kaa yena oompadhi ngele otadhi monikwa a kwathelwe woo.

Omunasikola omushona nguka ngashingeyi okwa taalela eshongo enene pethimbo lyomvula ihayi ko kosikola oshoka iipa mbyoka a ya ndekwa ohayi totomoka kuututo.

no-hands2-(1)

LEAVE A REPLY

Please enter your comment!
Please enter your name here