Aatameki yojazz ota ya pewa esimano lyawo nena 

0
276
Ongundu  ndjika yoOriginal Jazz Masters ota yi  simanekwa nepapa  lyOkwaadha oshindji monkalamwenyo  lyonuumvo okuza NAMA’S ongulohi yonena moshinyanga sho pashigwana shokunyanyudhila nokuulikila iinyandwa nenge NTN moVenduka.

 

 

Mboka ya hiki noku totapo omusiki yo jazz moNamibia omanga inaali manguluka otaya pewa epapa lyonkalamwenyo muunkulungu womusiki ongulohi yonena poshiithanene shoohashike shalye sho Nama’s moVenduka.

Aahikingalo mbaka yeli ayehe kumwe yaheyali yeli kombanda nookuli yomimvo dhesilohenda oyo aakokoli yomusika yo jazz moNamibia ya tamekele okuhika, omfango gwaandjika pomimvo dhomilongo ntano noshowo omilongo hamano

Mbaka oya li ya hiki iiyimbo yawo mokufudhila ombepo momankuma nokudhenga iiketala omathimbo sho ga li omayamba mokuhika omusiki yoludhi lwo jazz molukanda lwaavalelwamo unene tuu manga nduka halu ithanwa Olukanda Olukulu, lwali inaalu tembudhwapo  noku hanagulwapo.

Pethimbo ya hikile oondjimbo ndhoka aaniilonga oya li haya ka tokelwa kiinyanga yomainyanyudhilo oku kandaanisa sigo ethimbo iinyanga mbyoka tayi edhilwa unene tuu momahulilo goshiwike shiilonga.

Aaholi yomusika mboka yiithanwa okukala poshiithanene shaasimanekwa ongulohi yonena, ota ya ka nyanyudhwa kaahiki mbaka yomimvo dhonale  omanga ehangano hali longekidha egandjo lyomapapa gomusiki kaaNamibia NAMA’s inaa li ka zaleka mbaka uulenga omolwuukokoli wawo wondjila yo jazz . Omupitithinashipundi gwa NAMA’s, Tim Ekandjo okwa tile kuyele  omasiku ngaka kutya  aahiki yotango yomusiki yo Jazz oya gwana shili okupewa esimaneko ndika. Nonando yo oya koka ngashingeyi tse otwa fuulwa kwaashoka taya ningi natango ngele tashiya mokuhika omusika yoludhi nduka onkene oshi li nawa oku ya simaneka noku ya pandula pamukalo nguka omanga ye na omwenyo.

Ongundu ndjika ha yi ithanwa“The Original Jazz Masters” ota yi ka simanekwa  noku yelwa nepapa lyasimana ongulohi yonena.

Ongundu ndjika Original Jazz masters (OJM) oyo ongundu onkulu kwaadhihe  moshilongo  ndjoka ya tamekele okuhika omusika yoshinanena ta ya longitha iihikomwa yiigwana yilwe pomimvo dhomilongo 40 nomilongo 50 mOlukanda Olukulu omanga aakalimo yamo inaa ya thiminikwa okutembukila koKatutura.

Omumvo 2003 Nghidipo Nangolo okwa hanganitha aahiki yo jazz mbaka yeli yahamano nokudhikapo ongundu yojazz yomolukanda yedhina Aahiki aatango yo Jazz nenge OJM. Konima yomimvo mbali okwa kwata uungalo wongundu ndjika mostudio, noku etapo ooalbuma dhoJazz dhili mbali dhomadhina Dakotas na Benguela Breeze. Endulukepo lyooalbuma ndhika otali lalakanene okuyumudhapo omaimbilo nomawi ngoka ga dhimbiwa gomusiki moNamibia lyamanguluka.

Ongundu ndjika  oya dhana piituthi yomusiki pondje yoshilongo  oshowo oya dhanene noku imba pamwe na Handel Musiek Gymnasium, ehangano lyaaNdowishi lyoSymphony Orchestra lyokoBerlin ye shi ningilile moshinyanga moka omo taya pelwa epapa lyesimaneko ongulohi ndjika. Iilyo yongundu yOJM mbyoka yili pokati komimvo 65 no 95 oyo  Joseph Petrus “Ou Gorab” //Hoeseb – Accordion, Stephanus “Kookwater” //Hoebeb – Tenor Saxophone /Banjo, Andreas Gustaf “Kuta” Kavandje – Bass/Double Bass .,Frederick Ndiripunye “Karietjie” Kamburutue – Alto Saxophone, Reinhardt “Toto” Muinjo – Drum/Percussion, Immanuel “Mannietjie” Shivute – Rhythm Guitar Nghidipo Nangolo, oye omunduluki nomuwiliki gwongundu ndjika noshilyo oshitiheyali.

Ongundu ndjika ohayi dhana pamwe naagundjuka yatatu ngashingeyi oshoka Ou Gorab okwa sa ombada noku li ashike mombete ihaa penduka, ye Ou Kuta okwa mana oondjenda.

 

LEAVE A REPLY

Please enter your comment!
Please enter your name here