Eyugo kwa homatiwa mOmutaku waKaupa

0
215

 

OMUTAKUWAKAUPA-Omulandithi gwomokandingosho okwa  haluthwa kaalumentu yatatu sho ye mu ponokele ongula onene yoSoondaha ya zi ko omanga ali mondunda.

Okwa hokololwa kutya pomukunda Omutaku wa Kaupa moshikandjohogololo shaEtayi aalumentu yatatu yaa shiwike ya homata ondjembo oya kwata omukiintu nguka pothingo eta ye mu pula eya pe iimaliwa koomuma yaadha pooN$1 300.

Ashike omupopiliko gwopolisi moshitopolwa shaMusati Shisande Anna Kunga okwa ti oombudhi ndhika inadhi mona uupitilo oku yakamo iinima oyindji oshoka opwa li puna omainyengo gaantu.

Anuwa aantu mboka sho yu uvu omainyengo ngoka oya tondoka oku kwathela noombudhi odha fadhuka po.

Ihe sigo oompaka opolisi ka ya li ya kwatapo nando oyimwe yomoombudhi ndhoka.

Opolisi oya koleke wo okuza  moshitopolwa shoka kutya omuniilonga gwomegumbo okwa yugwa oshimaliwa noshowo oocheke pamwe noondjembo mbali dhomuhona gwe sho ali a dhengwa koombudhi noshowo uulikwa ondjembo.

Oshiningwanima shika osha ningwa uusiku mehulilo shiwike lya ziko mOutapi.

Omuniilonga nguka okwa adhika oye awike megumbo ethimbo lyoshiningwanima shoka. Okwa hokololwa kutya mwene gwegumbo omunangeshefa mOutapi.

Iinima ayihe kumwe mbyoka ya yakwa megumbo ndyoka oyi na ongushu yi vulithe pooN$190 000.

 

 

 

LEAVE A REPLY

Please enter your comment!
Please enter your name here