Kapuna omuntu a tidhwa miilonga moYoung Chiefs

0
271
Osipana yoYoung Chiefs ndjoka yili hayi dhana moliha yopombanda moshilongo okuza kiitopolwa yokoNooli ndjoka ta ku fekelwa kutya oyili mokalamauka.

 

OSHAKATI-Omupopiliko gwosipana yoYoung Chiefs, Belle Nandjigwa okwa li a ekelehi omipopyo dhombapila ndjoka yali ya shangelwa omunashipundi gwosipana ndjika Elago Amuthenu opamwe na Hafeni Shikulo ngoka eli (team Manager) kutya oya kuthwa miilonga pakathimbo

Onkundana ndjoka oya li ya halutha oyendji mboka ha ya landula okatanga kokoompadhi moshilongo.

Ombapila ndjoka ya li ya shangwa ku Primus Shilunga momasiku 19 Apilili 2016 oya li ya holola kutya mbaka yaa li ya tumbulwa metetekelo oya li ya kuthwa miilonga pakathimbo, molwaashoka oya li ya ndopa okusimaneka oompango dhosipana niilyo yolutu talu lele osipana yoYoung Chiefs.

Okwa ti oyeli wo ta ya fekelwa kutya olwindji oya li ya kutha omatokolo ina ga kundathanwa kewilikongundu lyosipana(management) na oye na olunyala melongitho nayi lyoshimaliwa mosipana.

Ashike omupopiliko gwosipana ndjika okwa li a ekelehi omapopyo ngaka ga shangwa kuShilunga ta ti ogaafele no ka gena omakankameno na Primus Shilunga kena nando uuthemba wokuninga omatokolo ga tya ngaaka.

Okwa ti mbaka yaali oya li ya hogololwa koshigongi shokomumvo sho AGM shoka osho shina oonkondo oku kaleka nenge oku kutha miilonga mboka yena iinakugwanithwa mosipana ndjika.

Onkene okwa gandja ekwashilipaleko kutya omunashipundi nando ali apewa ombaapila ndjoka ta yi mu indile athigepo ombelewa pakathimbo, ombaapila ndjika oya li ya shangwa komuntu keena nando uuthemba” Belle ta ti.

Ombaapila ndjika oya li ya pewa Kundana oshiwike sha zako no ya shainwa ku Primus Shilunga ngoka ali inaa kutha po ongodhi ye sho Kundana ali a kambadhala okuninga omapulaapulo shina sha na yo.

Ashike pahapu dha gumwe gomiilyo yoYoung Chiefs ngoka ina hala edhina lye li tumbulwe, okwa ti osipana ndjika oya kundukidhwa kokalamauka ta ti omunashipudi okwa li a kutha omatokolo ge mwene okuhogolola aadhani yokuya mokapale pethimbo Young Chiefs ali a yi muudhano nosipana yo African Stars nando shika oshali oshinakugwanithwa shomudheuli Alex Iitumba.

Okwa ti Young Chiefs okwa pumbwa a tule egumbo lye melandulathano, nongele hasho ondjodhi ye yokumona omasindano moliha yo MTC Namibia Premier League ota yi ka hulila ondjilakati.

Otwi inekela osipana yetu yokoNooli ota yi ka hulithapo okalamauka haka meni lyethimbo ehupi lela manga oliha ina yi ka tameka kuyele muAguste omvula ndjika.

 

LEAVE A REPLY

Please enter your comment!
Please enter your name here