Namibia ota kalelwa po kuudhano wonetball moBotswana

0
199

Windhoek – Omudhani nomutulimo gwookoola mospana yonetball yaWanderers ota ka kwatela komeho ospana yaadhani 18 yokohi yomimvo 21, kuudhano woku pita ya ka dhane mekopi lyuuyuni.

Jessica Moolman, ota kwatele ospana ye komeho oku kadhana koBotswana hoka oko ta ku ningilwa ethigathano ndika lyoospana dhAfrika ndhoka dha hala okupita dhi ka dhane muudhano wekopi lyuuyuni lyonetball.

Ethigathano ndika lyopokati kiilongo yAfrika otali ka ningwa mu Juli nuumvo moBotswana.

Omolwa uudhano mbuka aadhani yonetball ya za momahala ga yooloka moNamibia oya kuthile ombinga methigathano lyokutothamo mboka taya ka kalelapo oshilongo. Lyo ethigathano ndika olya liko ehuliloshiwike lyayi no mulyo omo mwa hogololwa aadhani omulongo nayahetatu mboka taya ka ya koBotswana mu Juli.

Ospana ota yi kala mewiliko lyomudheuli gwayo omukuluntu Julien Meyer ta kwathelwa komupedheuli gwe  Mansie Tjivera oshowo omuwiliki gwospana Imelda Nerongo.

Namibia ngoka omathimbo ga ziko a kala ihaa longo nawa muudhano mbuka okwa tegelelwa oku ka dhana nawa molweedhe nduka molwashoka okuna  oyendji yomaadhani ye haya dhane oospana oonene dhonetball moshilongo.

Omadhina gaadhani mboka ye li mosheendo shika otaga landula mpaka nokiitopolwa hoka ya za; Ronel Benson, Minerva Calvar-Collazo na Tilie Karnatu (Erongo) Tjimbakavaza Tjipetekera, Diana Tjejamba, Uahengisa Tjozongoro, Vezembaouua Mauano, Rieta Marie-Brandt, Juzein Garbers, Jehumba Hambira nad Chante Cronje (ayehe oya za moshitopolwa shaKhomas).

Aadhani yalwe mospana ndjika  oyo;  Atushe Shihepo (Karas) Monique Vermeulen, Eileen Britz (Otjozondjupa) Vickey Uarije (Kunene) Vemutonaa Marenga na Erestine Tjihuno (ya za kOmaheke).

 

LEAVE A REPLY

Please enter your comment!
Please enter your name here