Omapapa gaNamas ota ga gandjwa nena nongula

0
308

Windhoek- Oshiindingili shegandjo lyomapapa gokomumvo kaahiki yoongalo na imbi yii yimbo gokomumvo otaga tameke nena etaga hulu ongulohi yOlyomakaya moshilandopangelo.

Omalongekidho agehe oga pwa naaholi yomusiki noongalo oshilongo ashihe oshowo menenevi ndika ota ya ka nyanyudhwa noshiithanene sha dhenga mbanda sho otashi kala shimwe oshaanawa kaakunawe nuumvo.

Okushitalela moshituthi shomusiki shomvogu shika shonuumvo otashi kala sha dhenga moombuli. Oshoka okutala omailongekidho gonuumvo shika otashi uvaneke tashi kala shoopala. Okwi itaalwa kutya otashi kala oshiwanawa molwashoka aahikingalo yena iitalendi yokuhika oongalo nokwiimba oondjimbo niiyimbo yomevi ndika ito mana okuyalula. Oshikwawo aahikingalo aanamadhina ya za puushiinda nayo oya thika, ngaashi omuhiki gwo hip hop omuSouth Afrika  AKA omanga  omunyanyudhi omuZambia  Roberto na ye omuyenda poshiithanene.

Manga oshiithanene shika inaashi tameka nena nongula mpaka otapa landula omauyelele ngoka wa pumbwa okutseya kombinga ye gandjo lyomapapa ngaka.

Omapapa goshimpungu shomusiki  po National Theater of Namibia (NTN) nena

Oshituthi shika ina shi ithana shaangoka ndele shika ita shi ku pitilepo  oshoka oto ke shi mona moTiivii  nkene aasindani taya pewa omasindano gawo. Poshiithanene shika otapa kala aaimbi mboka ta ya ka nyanyudha ongulohi ndjika  iikando yili omilongo ndatu niitatu  omanga ota pa ka gandjwa omapapa muukategoli wuli 16.

Omapapa gaayehe goNAMA’s poRamatex Olyomakaya

Ongulohi yOlyomakaya ayehe mboka ya hala okuka tala oshiindingili shika oya manguluka oku ya koshinyanga sha Ramatex.Pomauliko gOlyomakaya otapa kala aanamadhina ya za koZambia  no South Afrika mbaka pamwe naahikingalo aaNamibia oyo taya ka mwenyeka oshituthi shika noondjimbo omanga aasindani taya ithanwa muukategoli wa yoolokathana.Ongulohi yOlyomakaya ota yi ka mona egaluko lyongundu yofamili Matongo mboka taya ka galukila kumwe uusiku mboka. Aawiliki naakwatelikomeho yoshiithanene shomOlyomakaya oyo Tanyaradzwa Daringo na  Mathew ‘Mapps” Kapofi. Poshiindingili shika otapa kala oompito omilongo 35 dhaahikingalo taya nyanyudha aatali oshowo aapulakeni yoshituthi  shika omanga omapapa ota ga ka gandjwa muukategoli wu 19. Ongula one yOlyomakaya  NAMA Academy  ota yi ka tsikila noshigongiilonga shoonkulungu po NTN elongo ndika otali ka dhenga omuthindo  komusika muAfrika noshowo ndjoka yomuuyuni.

Oku katuka kemate embulau

Ongulohi yonena El Shadai Aluteni na  Paul Munanjala oyo  ta ye ku kwatha oku enda kemate embulau omanga Luis Munana na Lucy K Kangombe oyo ta ye ku ulukile kutya oto uka lwaapeni mOlyomakaya. Moshinyanga ota mu kala omafano goTiivii ogendji ga za ko, Uganda, South Africa, Zimbabwe, Zambia, oshowo Trace TV ngaka ota ga kala poshinyanga opo ga thaneke nokutumina omathano ngoka kaatali yoshiithanene shika mboka ye li pondje ya Venduka oshowo mboka ye li momagumbo gawo moVenduka.Omolwomathano ngoka taga ka thaneka okuza kombinga kehe  aatali ita ya ka kanithapo nando omathano gasha gaantu mboka ta ye ya okutala nkene aahikingalo ta ya pandulilwa iilonga yawo.

Aadhani oshowo aandanisi

Konyala aahikingalo ayehe mboka ya hogololwa okuza ngaa ku Kalux, Big Ben, Ann Singer, Bertholdt,Chikune, KK, Desmond, The Dogg,Paradox, Ras sheehama, Freeda, Jazz masters na Lize Ehlers oku tumbulapo owala yamwe  ayehe otaya ka nyanyudha  aanashituthhi . Ayehe mbaka oya kala ta yiilongekidha omasiku ngaka. Konima yo ma ilongekidho ngaka aadanisi yeli 25 oya hogololwa mo mongundu ya yakwawo moka taya ka holoka pamwe naahikingalo komeho gaatali ongulohi yOlyomakaya.

“Ndjika omvula yandje ontintatu tandi ndanisa  pethimbo lyoNama’s.Shika otashi hedhitha komeho uunongo wandje mokundanisa molwashoka ohatu ndanisa mewiliko lyaawiliki oyendji’osho Hilary Shiimi a ti ngoka eli gumwe gwaandanisi aanelago mokuhogololwamo.

“Ndjika ompito yandje yotango okukala poNama’s nonda tegelela okumona aahikingalo yandje mboka ndi hole otandi kala nda nyanyukwa  oku mona aadhani naahikingalo mbaka  sho taya  dhana muka” osho omutali gumwe Maggy Kakoro a popi.

Omahala goku kuutumba nkene ga longekidhwa

Iipundi yaanamadhina ooN$500                 (mbika oyili 1 200).

-Iipundi yoshigwana ashihe ooN$250             (mbika oyili 4 000)

Mboka taya kala ya thikama  ooN$150           (omahala ge li 300)

Nama2

LEAVE A REPLY

Please enter your comment!
Please enter your name here