Oomeme yoSwapo mOlukonda oyena oshimpwiyu noshigwana

0
305
Iilyo yimwe yewawa lyaakiintu moSwapo moshikandjo hogololo Olukonda ya thanekwa pamwe na August Frenandu ngoka ena uulema womagulu , mbaka oya li ya tungile omukwashigwana nguka ondunda yoshipeleki .

 

OLUKONDA – Ewawa lyaakiintu mongundu yoSWAPO moshikandjohogololo Olukonda olina oshigwana komutima.

Olukeno noshigwana nduka ewawa lyaakiintu mongundu ompangeli oye li ulike  sho ya tokola opo ya kwathe aakalimo yomoshikandjohogololo shika mboka ta ya lumbu nuulema.

Oshiwike sha piti kansela gwaLukonda, Victoria Shikongo, newawa lyoomeme mekwatelokomeho lyomuwiliki gwalyo Rosalia Elago oya li ya yambidhidha nokukwathela omukwashigwana gwaAngola ngoka a kala mOkakwiyu.

August Frenandu ngoka a valwa mo1971 okwa kala molukanda Okakwiyu mOlukonda , ha zi mondunda ontshona unene moka itaa vulu nenge okwiinyenga ngele elimo. Frenandu oshilema na ihe ende kuye mwene, ngele kena okatemba noha kookaya owala nolundji ota nyengwa oku ikwatha  nuupu.

“Yamwe yomiilyo yetu mewawa lyoomeme oyali ya mono Frenandu no twa li twa tokola opo tu mu ningile oshipeleki oshinene mono ta kala a manguluka, ye a kale mo uuvite ombili oshoka ehala ndyoka eshona unene nomuntu ito vulu okukala mo na ishewe omwali mwa luudha noonkondo,” Kansela Shikongo ta ti.

Frenandu ota ku hokololwa ali he ende ashike okwa lemana owala kwaashi wike kutya ongiini. Nonande iha vulu okwiikwatha ye mwene kena ngoka te mu sile oshimpwiyu, yo aakwanezimo ye oyeli koAngola. Ye ishewe ke na uuthemba woshilongo.

Frenandu okwali a pewa uushako wuusila, omweelelo, etalashe oshoka anuwa okwali ha lala kombete tayi etitha olukeno. Okwali woo a pewa oshipeleki niilongitho ayihe mbika oyi na ongushu  ta yi ihilile pooN$ 5 000. Iimaliwa mbino oya zi moshiketha shewawa lyoomeme mOlukonda.

“Sho twali twa tala mpoka omulumentu nguka ha kala onkalo oye tu thiminike opo tu mu ningile okambalumbalu mbala ye a kale ta zimo a manguluka, shino otwe shi ningi omolwuukwawo wanankali nomolwolukeno ndoka tuna naantu yetu.Uulema ka wuna mwene naantu mboka taya lumbu nuulema oya pumbwa okusilwa oshimpwiyu yo ta ya kala yuuvite kutya nani moshigwana omuna aantu yena ohole,” Shikongo ta gwedhapo.

Kansela Shikongo okwali a tseyitha kutya kehe ngoka eli moshikandjohogololo nokuna omuntu ta lumbu nuulema ye keena omakwatho na kale a lopotwa mbala kombelewa ye, yi tale kutya ota yi ningipo shike nomuntu a tya ngaaka, ye a kongelwe omakwatho.

Frenandu okwa pandula ati olye mu longele uuwanawa, ta gwedhapo kutya ngaashingeyi ota vulu a kalemo nuunona we ati nale ka wa li hawu mu talelepo oshoka ka wuna mpoka tawu vulu okukala omolwa ehala moka ali ha zi. Frenandu oha zi ngaashingeyi mondunda yoshipeleki shono a pewa  kewawa lyoomeme mOlukonda.

 

LEAVE A REPLY

Please enter your comment!
Please enter your name here