Suzy Eises naFujazz Band  taa imbi mesiku lyo Jazz

0
235
Suzy Eises pamwe no Fujazz Band mboka taya ka imba pesiku lyo Jazz lyopaigwana  po FNCC mOlyomakaya

Windhoek

Olyomakaya ndjika oyo esiku ndyoka aahikingalo yoJazz ta ya ka dhimbulukwa esiku lyawo lyoongalo dho Jazz pauyuni.

Shika osha li sha tseyithwa kongulu ndjoka yomithigululwakalo yo Franco-Namibian Cultural Centre (FNCC), medhimbuluko lyoshituthi shika sho Jazz pauyuni, tashi ka ningilwa poFNCC mOlyomakaya, moVenduka.

Okoncerta ndjika hayi kala ya longekidhwa nawa konyala miilongo oyindji muuyuni, otayi ka mona aahikingalo mboka aaNamibia ha ya imbi oJazz ngaashi Suzy Eises nongundu yoFujazz Band, sho taye ke shiiningila mokunyanyudha aaholi yoongalo dholudhi nduka esiku olyo tuu ndyoka.

Ongulu ndjika yo FNCC otayi hiya ihe aaholi yoongalo dho Jazz okuza kaagundjuka sigo aakulupe opo yakale ya tula uukuni kumwe noku holoka momwaalu ogundji, omolwa okudhana esiku ndika lya talikako enene newanawa.

Uutekete wokupita pomweelo otawu adhika po FNCC koodola dhaNamibia 50 sigo 70 pomweelo.  Esiku ndika olyakala nokudhanwa kehe omvula, okuza mo 2011, no lyali lya totwa po kehangano lyoUnited Nations Educational, Scientific and Cultural Organization (UNESCO), oku taandelitha Ombili nomuthigululwakalo miilongo yuuyuni.

Esiku ndika otali ulike ishewe oonkondo dhoongalo dhoJazz onguunkulungu ngele tashiya kaahikingalo yoongalo dholudhi nduka. Omuwiliki Ndjai gwaUNESCO, Irina Bokova, okwa ti oshituthi otashi kadhimbulukitha oyendji kutya oJazz  kayishi owala oongalo, ashike etumwalaka tali pitile moongalo.

 

LEAVE A REPLY

Please enter your comment!
Please enter your name here