Aatondoki aaNamibia ya thigathanapo naamboka yokoAmerika

0
272

 

WINDHOEK -“Onda nyanyukwa molwashoka aatondoki yetu oya mono ompito okuthigthanapo naatondoki omanyakwa nenge mboka ya dheuka nawa muuyi.

“Onde shi tumbulile nale kutya onda hala okumona aatondoki yetu taya thigathanapo momathigathanao ngaashi Diamond League oshowo mu galwe ngoka gopamuthika mUuyuni ngaashi pwaangoka pwa li pwa kalwa ku Frank (Fredericks) na Agnes (Samaria) .Omathigathano ngaashi ngoka gAfrika,gUuyni noshowo ngoka gOlympika na otaya vulu okukondjela oombandi,” osho omudheuli Letu Hamhola a popi nenyanyu.

“Otwa longa nawa nokuopaleka omuthika guudhano wetu muAfrika naatondoki mbokaa tatu longo uudhano  unene tuu shono twa sindanene oombandi ne muudhano wAfrika alihe  nongashingeyi otatu ilongekidhile okuya kuudhano wuuyuni. Shika otashi ti otwa pumbwa okulonga nuudhiginini  opo tu hwepopeke ethimbo lyetu momumatuka..”

Hamhola okwa li a popi ndhika pethimbo ospana yaatondoki ya Namibia mboka ye li meilongo lyuudhano  ya li ya kuthombinga methigathano lyokomumvo lyokutaambathana okatenda lya ningilwa mo Philadelphia sha USA . Puudhano mbuka oospana yaamti noyaakadhona odho dha kala konima dha landula iilongo iinankonkondo mokutondoka ngaashi America, Jamaica, ST Kitty and Nevis na Nigeria.

Oospana ndhika odha li dheya pehala etine nopetitano momathigathan ngoka.

Hamhola okwa popi einekelo lye kutya ngele oholomend ya Namibia oya kwathele edheulo lyaatondoki mbaka ngashi hali shiningi  nena shika otashi ti omukanka gwa kola otagu tungwapo opo aatondoki mbaka esiku limwe ya kale taya vulu okuthigathanapo naamatuki yasimana yokoAmerica na Jamaica mboka oyo ye shiwike mokumatuka muuyuni auhe pethimbo ndika.

Hamhola okwa li wo a pandula aaNamibia mboka ya kala moUSA sho ye ya kwatha pamikalo dha yooloka noku ya uvitha uugumbo pethimbo ye naamatuki ye yali metalelopo molwuudhano moUSA.

Aamatuki ya Namibia otaya shuna ko Jamaica hoka taya kiilongekidhila uudhano wokumatuka wedhina Jamaicana Invitational, mpoka taya ka tsakanena ishewe  naatondoki mboka ya li ya tsakanene nayo moAmerica. Aanamibia otaya longo ishewe nuudhiginini opo yam one omathimbo omawanawa ngoka tageya pititha opo ya ka kuthe ombinga muudhano wOlympika moRio de Janeiro omwedhi tuuka.

 

 

 

LEAVE A REPLY

Please enter your comment!
Please enter your name here