Ann Singer  oye a li ta ti pii poNAMAs

0
382
Ann Singer ngoka a sindana omapapa geli gane pethimbo lyoNamas nuumvo.

 

Windhoek –Nonando  opwa li omapulo ogendji kutya Ann Singer (Annastasia Linus) oye lye ethimbo kehe a katuka okuya kokastage okutaamba epapa lye. Omwiilongi gworadiography nguka  okwa ulike kutya ye omuthigathani a kola mokwiimba. Shika okwe shi ulike sho a li ta imbi eimbilo Adele’s Hello oshowo omaimbilo gemwene ngoka iimbi newi lye ewanawa pethimbo lyoNamas yonuumvo poRamatex moVenduka.

Okwa sindana omapapa gomwiimbi dhingi mokategoli ko R&B, Best Afro pop/township, oshowo epole lyomwiimbi omupe mokuhika oongalo nomokungongapo oalbuma yokomumvo.

“Onduuvite nawa nonda nyanyukwa. Kandali nda tegelela okusindana omapapa ogendji ngaashi ngaka,” Ann Singer ngoka eli wo omupopi gomEnergy FM a ti.

“Kehe ngoka a sindana okwiilongela shoka a mono,” Ann Singer osho a ti nonando okwa li a kumwa kutya omolwashike Freeda na Exit ya zimo iikaha yowala methigathano ndika lyokomumvo. Nonando ethigathano ndika olya li niinima inaa yi tegelelwa oshowo omapuko omashona mpaka naampeyaka aalongekidhi oya sindana oku pititha oshiithanene  shika nawa,”Ann Singer a ti.

Okwa ti esindano lye olya zi miilonga yuudhiginini, eitulemo oshowo oku kwatathana naantu yomondjila oshoka oshitalendi osho ashike inashi gwana okuku fala kokule. “Okulonga nuudhiginini  oshowo okulongela kumwe naantu yomondjila  oko oshiholekwa,” osho Ann Singer a holola sho a pulwa kutya longo ngiini opo a sindane. “Ngame onda kala omwiimbi onkalamwenyo yandje ayihe, ndele natango ngame otandi tsikile okwiilonga okwiimba,” osho a gwedhako.

Ann Singer okwiipyakidhila nale niilonga yokundulukapo uuvideo  , nokonima yaashika ota ka tameka okulonga koalbuma ye ya landulako.

Big-Ben

 

LEAVE A REPLY

Please enter your comment!
Please enter your name here