KK Palace ina futa aadhani

0
277

 

ONDANGWA-Aadhani yosipana yokoNooli KK Palace oya yemata konima sho ya li ina ya mona oondjambi dhawo oomweedhi mbali dha piti.

Ndhika odha li dha hololwa komudhani gwosipana ndjika gwokonima Fanuel Iipinge, ngoka adhanena osipana ndjika konyala uule womvula yimwe.

Okwa ti oonkamabadhala ya li ya ningi odha li inaadhi pondola sha oshoka ooyene yosipana oya fa inaa ya hala oku ya pulakena nolwindji iha ya kutha po oongodhi dhawo.

Okwa ti omwaalu gwaadhani oyendji mo KK kayena iilonga onkene oha ya hupu moshimaliwa shoka ha ya futwa kosipana ashike ngashiingeyi oya ninga oomweedhi mbali in ya mona oondjambi dhawo.

Okwa ti olwindji oha ya pula iimaliwa kaakuluntu yawo opo yi ikwathe noku kandulapo oompumbwe dhawo dhesiku kehe yafa iha ya longo.

Oohapu ndhika odhali dha kolekwa kuKapteina gwosipana ndjika Nehale Geeeroz ngoka ati aadhani oye li shili yena omukundu nguka ashike okwiinekela kutya elelo lyosipana ota li longo omutenya nuusiku oku kandulapo omukundu nguka.

“Ota ndi indile aadhani opo ya kale ya ngungumana omanga ta tu tala genongo ngele ota ga fe ngaa gongombe,” Nehale tati.

Omudheuli gwo KK Father Elemu ngoka eli omvalele ya Zambia okwa ti omukundu gwoondjambi ota gu ungaawungwa nago kelelo lyosipana na kena oshindji okutya , onkene ota kumagidha aadhani ya kale yiitulamo oshoka onakuyiwa yawo oyi li momake gawo onkene inaya tula omutse kepepe oshoka oyena natango onakuyiwa ombwaanawa komeho.

Oonkambadhala dhokumona ooyene yosipana odha li dha adha okwena kwa hula konima sho Kundana ali a yi koshinyanyangidho.

Omukundu gwaadhani ihaa ya futwa pethimbo ogwa guma oosipana sho oosipana dhilwe moshilongo dha li wo dha  nyenyetwa omathimbo gaziko kutya iha dhi futu aadhani pethimbo.

 

LEAVE A REPLY

Please enter your comment!
Please enter your name here