A longele iikombo omuyonena

0
511

 

UUKETE – Iihokolola kombinga yiimuna ya monithwa iihuna ota yi ka yamo mbala konima ngele efudho lyomagongo lya thike pehulilo omwedhi tu uka

Kundana okwa pewa uuyelele nguka mbuka kepulo kutya uunake omukalimo gomomukunda Uukete moshikandjohogololo Onayena ngoka a li uuvithwa nayi komunamukunda gokOkantonge, ngoka anuwa a manga iikombo ye noongodhi oshowo noondhalate molwaasho ya lile epya lye.

Andreas Tobia pamwe negumbo lye oya hokololele kutya muMaalitsa  okwa zile ombepo nomvula ndjono ya faalele iikombo yawo komukunda ngoka gwa landula gwawo. Iikombo oyali anuwa ya kana noya ningile  omasiku ta ye yi kongo.

“Konima sho twa kala tatu yi kongo otwali twa tseyithilwa kutya oye edhililwa moshigunda shontumba pomukunda ngoka guli uushiinda no gwetu, otwa li twa yiko kegumbo hoka notwa adha iikombo mbyoka ya mangwa yili moshigunda, otwali twa pula omukulukadhi etu fale koshigunda hoka kuna iikombo yetu,notwa adha mbyono ya ,mangelwa mumwe uungundu wo itano ya mangwa noondhalate,” taya popi ngaaka.

Henock Akoomena gumwe ngoka ali mosheendo sho ya ka talako iikombo okwa ti molwaasho oya adha iikombo mbyoka ya mangwa no itaya vulu okuyi mangululamo, oyali ya yi kumwene gwepya opo eya pe ombele ashike oya ka pewa owala ombele puushiinda, ye mwene gwepya anuwa okweya thigi owala poshigunda mpoka nonande oye a manga iikombo, okwayi owala mepya eta tsikile niilonga ye.

Akoomena ta ti sho yeyi mangululamo oyali yeyi hingimo ta ya yi nayo kegumbo. Tati molwaasho iikombo oyali ya mangwa ya negwa osheya pula ethimbo ele noonkondo opo ya ka thikithe iikombo mbyoka 30 kegumbo, mono 15 oyo iinene yali tayi ende tayi shongola.

“Iikombo mbyoka yali ya mangwa omakondo oga tameke taga olo, go gamwe ga fula,iikombo yimwe oya kanitha omagulu gawo oshoka yimwe oya li ya mangwa komagulu gokonima yo yimwe okwaangoka gokomeho, shino oshali shetu uvitha nayi oshoka sho twa pula na ku yi manga okwa kala ta yamukula ngaashi a hala ta ti iikombo yetu oya yona epya lye anuwa,” Tati ngaaka.

Sho pulwa ku Kundana naku manga iikombo mbyoka, Helena Abed okwa ti ye okwe yi manga nelalakano opo kaa yi ye kokule yo yi ka yone ishewe omapya gaantu, ta ti  ine yi manga nelalakano ando yi tokoke omagulu. Ta gwedhapo kutya iikombo mbyoka oya yona epya lye nolundji ohayi kala owala ta yi yonagula omapya gaantu.

Pethimbo ndika iikombo mbyoka yimwe anuwa ka yi na omagulu no sha ningila ooyene oshidhigu oku yi takamitha oshoka anuwa ihayi endewe oshinano oshile , yo ihayi adha kehala hoka kuna uunapelo nomeya. Ooyene oya ti nonande yali ya lopota kumwene gwomukunda iihokolola inayi vula okuyamo oshoka anuwa ota ya tege ethimbo lyomagongo li pite.

Unhappy2 Unhappy3

 

LEAVE A REPLY

Please enter your comment!
Please enter your name here