Michael Kandjeke ke wetike

0
265

 

ONGWEDIVA-Opolisi moVenduka ota yi pula moshigwana opo shi yi kwathele molukongo lwomulumentu gwomimvo omilongo 25 ngoka kee wetike kaakwanezimo lye.

Okwa hokololwa kutya Micheal Kandjeke okwa kana oku ziilila pegumbo lyaavali ye moPioneerspark  moVenduka metitatu lya ziko pohetatu yokongulohi.

Uuyelele wa gandjwa kopolisi yaVenduka pahapu dha Inspecta Slogan Mateus  ota ti Kandjeke anuwa okwa zi mo megumbo ta ti ota yi kondoolopa ashike okuza mpoka ina monika we.

Okwali nee a zala ombulukweya yojeana ombulawu, nokambaikitha okashuli nokambindja kohi kena uundondo noshowo okambale komutse.

Kandjeke ngoka omupopi gwelaka lyOshiwambo ihe nelaka lyOshiingilisa nalyo oheli popi nawa .

Ashike otaku fekelwa kutya ota shi vulika eli moVenduka nenge ngaa a za mo ashike okwa tula nee aakwanezimo lye unene tuu aavali ye momalimbililo.

Ota ku indilwa ngoka emumona a dhengele opolisi yili popepi naye nenge aakuluntu ye Junias Kandjeke 0811298465 nenge yina Kaarina Kandjeke kongodhi 0811296822 .

LEAVE A REPLY

Please enter your comment!
Please enter your name here