Namibia ota dhana naBotswana moCOSAFA

0
221
Omaudhano gedhingoloko lyotango lyoCOSAFA Cup ota ga dhanwa pokati komasiku 11 Juni  sigo 16 Juni  pokapale ketanga ka Sam Nujoma noshowo pwaahoka kEmanguluko . Uudhano wokota finala otawu ka dhanwa okuza mu 18- 19 Juni omanga oosemifinala  dhiilusa  tadhi ka  dhanwa pokati komasiku 21 sigo 22 ga Juni . Osemifinala yuudhano wowene ota yi kalako momasiku 22 . Wo uudhano wa hugunina wiilusa otawu kalako mo 24 Juni wo mboka wo COSAFA otawu ka dhanwa momasiku 25 Juni.

 

Windhoek-Uudhano wekopi lyo COSAFA Castle Cup nenge Confederation of Southern Africa Football Associations, otawu kalako okuza omasiku 11-25ga Juni moVenduka.

Omasiku guudhano mbuka oga tseyithwa pethimbo lyetulo moongundu dhoosipana muudhano mbuka ndyoka lya ningililwe moJohannesburg  sha South Afrika oshiwike sha yi.

Namibia ngoka oye enyakwa lyethigathano ndika ota ka tsakanena naBotswana methigathano ndika medhingoloko etiyali lyuudhano.Omanga Zambia na South Africa mboka na yo taya tameke uudhano mbuka medhingoloko etiyali nenge ndyoka hali takumwa lyokota finala ota ya tsakanene naasindani  okuza mongundu ya A na B.

Namibia ngoka oye ta edhilile uudhano ota ka dhana ashike medhingoloko lyokota pamwe noospana dha za kiilongo Botswana, DR Congo, Mozambique, Zambia na South Africa.

Mehogololo lyoospana ndyoka lya ningilwe oshiwike shayi  Ongundu ya A omuna Zimbabwe, Swaziland, Seychelles na Madagascar, omanga ndjoka ya  B  muna Malawi, Angola, Lesotho na Mauritius.

Uudhano wopangundu otawu  tameke momasiku 11 lyaJuni nomusindani mongundu kehe oye ta tsikile okuya kedhingoloko etiyali yo mboka taya gumo mongundu kehe taya kadhana mongundu yaamboka ya dhengwa. Ongundu yuudhano waadhengwa oya tamekelwe lwotango omumvo 2013 nomvogu uudhano mbuka owa sindanenwepo ku Malawi.

Mo Namibia omo tamu dhanenwa uudhano mbuka lwotango sho ishewe oye oshilongo shi li enyakwa lyuudhano mbuka. Omaudhano methigathano ndika ota ga ka dhanenwa puupale wuli uyali  pokapale kEmanguluko oshowo hoka ka Sam Nujoma.

Ethigathano lyekopi lyoCOSAFA olya tamekele omumvo 1997 nolya koko nokuninga ethigathano limwe lyaangoka omawanawa muudhano wetanga lyokoompadhi menenevi Afrika.

Ethigathano ndika  olya gandja ompito kiilongo yuumbugantu wAfrika opo yi  tule omuthika gwayo ongiidhanitanga pombanda oshowo yi ikongele esimano  momathigathano  galwe ngaashi ndyoka lyekopi lyIigwana yaAfrika noshowo ndyoka lyekopi lyUuyuni.

Zambia na Zimbabwe oya sindana ethigathano ndika kehe gumwe iikando ine omanga South Afrika na Angola oye li sindana  kehe gumwe lutatu . Namibia opo owala a sindanene ethigathano ndika lwotango omumvo gwayi..

Nkene oospana dha hogololwa muudhano wa COSAFA Castle Cup 2016 medhingiloko lyotango.

Ongundu ya A

A1 – Zimbabwe

A2 – Swaziland

A3 – Seychelles

A4 – Madagascar

 

ONGUNDU YA B

B1 – Malawi

B2 – Angola

B3 – Lesotho

B4 – Mauritius

 

Ookota Finala

QF1 – South Africa ota tsakanene nomusindani mongundu ya B

QF2 – Botswana na Namibia

QF3 – Zambia ta tsakanene nomusindani mongundu ya A

QF4 – DR Congo na Mozambique

 

 

LEAVE A REPLY

Please enter your comment!
Please enter your name here