Omukulukadhi nokanona ya ningi omuti egumbo

0
534
Momathano otamu monika nee omukulukadhi nguka eli pehala mpoka ha lala kohi yomuti nokanona ke hoka kokamati.

 

OMUTSEGOMBAHE – Omukulukadhi keeshiwike nawa nokanona ke koomvula ntano aniwa oya kumitha aanamukunda yomomukunda Omutsehombahe sho ya ningi esiku taya zi kohi yomuti guli momukunda moka.

Omukiintu ngoka taku tengenekwa eli lwoomvula 50, anuwa sho a pulwa okwa hokolola kutya edhina lye oye Prodesiana yaMateus a za komukunda Oshimukwa moAngola.  Ota hokolola kutya pehala mpoka okwa kala po uule woomwedhi ndatu ha lala kohi yomuti, ye ta pewa iikulya kaakwashigwana ethimbo limwe.

Omuti ngoka omukulukadhi ha kala oguli pooha nopate puundingosho hawu ithanwa Ondunge Tayikana. Okwa ti okwa li a zi koAngola nokwa tokola a kale kohi yomuti nokamwana hoka kokankelo oshoka anuwa ina hala ku edhililwa momagumbo gaantu.

Aanamukunda oya talako omukulukadhi nguka afa ondjapeki oshoka anuwa kena mpa ha kala ye keshi kutya okuuka peni.

Aakwashigwana taya hokolola kutya okwali a kuthwa po ku mwene gwomukunda omolwolukeno ete mu fala kegumbo lye ashike megumbo lya mwene gomukunda okwa kalamo owala anuwa omasiku omashona ye ota galukile pomuti ngoka guli pooha nuundingosho.

Omukulukadhi nguka ota monika afa ena uunkundi womomadhiladhilo, nolundji oha lala owala momuti ngoka, okuna ondjato mono omo muna omakumbatha ge, nangele a penduka iinima ohayi kala owala pekota lyomuti manga tayi kuundingosho nokanona ke hoka ta ti okoDavid Ndeulita ya Jolonimu koomvula ntano.

Aakalimo yomomukunda moka taya hokolola kutya nonande okanona hoka keli moomvula dhokuya kosikola inaka tameka enongelo omolwa onkalo ndjoka ya yina, ohaka kala owala ke mu lamba. Thimbolimwe ngele ta pulwa ota yamukula kutya sho eli momuti ina hala okuya momagumbo gaantu noku wete eli nawa ngele eli momuti ngaaka anuwa nokamwana. Oha ende ethimbo limwe oha zipo tayi komikunda dhimwe ye ta galukilepo ishewe.

Ye mwene ota ti ye nokamwana ohayali ethimbo limwe ngele aakwashigwana ye ya etele iikulya, ka yena mpoka taya kutha omeya nolundji anuwa ohaya lala nondjala oshoka ka yena iikulya. Prodesiana kena uuthemba , ye otati nokanona ke ka kena uuthemba, ta hokolola kutya aakwanezimo lye oshowo he yokanona hoka eli nako oyeli moAngola.

Omukuutumbithi gwelelo lyoshitopolwa shaShikoto Samuel Shivute na kansela gwaNehale lya Mpingana Leevi Shiningombwa oshiwike sha ziko moku uva ndhika oyali ya ningi onkambadhala opo ya thike momuti moka tamu popiwa muna omukulukadhi ngoka. Molwaasho oya lipo ethimbo lyongulonene oyali ya adha a lala nokamwana kohi yomuti ogo tuu ngoka.

Ota ya pula moshigwana pamwe opuna gumwe eshi omukulukadhi ngoka a ninge ekwatathano nayo , yo ye mu shunithe kegumbo. Ookansela ndhika odhati woo otadhi kambadhala dhi ye koombelewa dhAngola yo ya tale kutya taya kwathelwa ngiini omolwa okanona hoka taka ende owala ko itaa kayi kenongelo, sho ya ka shunako kuyele oshiwike shika pehala mpoka inaye mu adhapo, yo aantu yopuundunda anuwa inaya mona kutya oku uka peni.

 

 

 Momathano otamu monika nee omukulukadhi nguka eli pehala mpoka ha lala kohi yomuti nokanona ke hoka kokamati.
Momathano otamu monika nee omukulukadhi nguka eli pehala mpoka ha lala kohi yomuti nokanona ke hoka kokamati.

Inneed3

LEAVE A REPLY

Please enter your comment!
Please enter your name here