Ongwediva ta yi galula uudhano woBasketball

0
185
Dhimwe dhomoosipana ndhoka dha li dha kutha ombinga Olyomakaya gazako.

 

ONGWEDIVA -Odoolopa ya Ngwediva oya kala nale yishiwike nuudhano woBasketball miitopolwa yokoNooli na oya kala oyo enyakwa lyuudhano mbuka omimvo dha piti, ashike uudhano mbuka owa li wa mwenapo kashona.

Uudhano mbuka owa li wa tamekululwa sho aanyasha yali ya eta po oliha yuudhano mbuka kuyele omvula ya zako moka oosipana dhaza mOngwediva, Oshakati nOndangwa ngashingeyi hadhi dhana moliha ndjika pokapale ko UNAM Engineering mOngwediva.

Osipana yOngwediva Basketball oyo ta yi tyakaleke oosipana oonkwawo sho ngashingeyi oyo yili pombanda yo liha ndjika niitsa 7 konima yomaudhano gane, ashike oya landulwa ku UNAM Engineering ngoka eli pehala etiyali niitsa ihamano konima yomaudhano gafaathana.

Oliha ndjika ota yi tsikile ehuliloshiwike ndika pokapale ka UNAM mOngwediva sho Oshakati Basketball Club ta yi ka ya mondambo no UNAM HPpotundi 14:00 omanga UNAM Engineering ta kakwata Veterans Basketball.

Omupopiliko gwuudhano mbuka Laina Ndoroma okwa ti aakalimo yomOngwediva na ya holoke kokapale momwaalu omunene oshoka omayinyanyudho ogeli pombanda.

Ota indile aakuluntu opo ye ete uunona opo wu mone ontseyo muudhano mbuka .

 

 

LEAVE A REPLY

Please enter your comment!
Please enter your name here