Uutoni a sindana oshishani shoWBO International Flyweight

0
267
Enyakwa epe lyaNamibia lyoWBO International Junior Flyweight Japhet 'Thin Man' Uutoni nomudheuli gwe Imms Moses ya thanekwa nepaya , konima sho Uutoni a sindi omukondjithi gwe omu South Afrika  Bongani Silila .

 

Windhoek-Japhet ‘Thin Man’ Uutoni a sindana oshishani shuudhengingonyo shehangano lyokudhenga oongonyo mUuyuni WBO shotango nkene a tamekele okudhenga oongonyo paithano.

Uutoni ngoka opo a mono oshishani sholudhi nduka nkene a tamekele okudhenga oongonyo ongeithano lye okwa sindana shika momukalo inaagu monika nale no inaagu longwa nale kaadhengingonyo mboka ye mu tetekela.

Uutoni okwa dhenge omukondjithi gwe omuSouth Afrika pwaana nando omalimbililo sho a manitha olugodhi nduka medhingoloko etimulongo lyomomadhingoloko 12. Medhingoloko ndyoka Uutoni okwa dhenge Bongani Silila nokuthiminika omuhikihiya opo a kankameke olugodhi noku luhulithapo oshoka Silila okwa li ta dhengwa noonkondo.Shika osho oshikando shotango omuNamibia ta sindana olugodhi mokudhenga yimwe nopevi pauteknika nonando okwa li ta kondjo komeho gengathithi enene lyaa yambidhidhi ya Silila moshitopolwa sha Limpopo.

Uutoni okwa zalekwa ngeyi oshishani shuunyakwa shehangano lyo World Boxing Organisation (WBO) International Junior Flyweight konima yokuhulithapo olugodhi lwe sho a mweneke omukondjithi gwe a kindja Silila medhingoloko etimulongo noongonyo pauteknika.

Aadhengingonyo mbaka ayehe oya tamekele olugodhi ta ya kondjo yamanamo oku adha esindano. Ihe nando ongeyi Uutoni oye a li tuulike ta dhenge oongonyo tadhi kwata noku ehameka omukondjithi gwe. Oshoka medhingoloko ashike lyotango Uutoni okwa li uumbu oongonyo ndhoka dha ehameke noku ndjungandjunga omukondjithi gwe. Momadhingoloko gomokati namo Uutoni okwa li ta kondjo nuupenda mboka a zi nawo kEvi Lyomapenda, nondano a li a pewa po yimwe yeehama ku Bongani, ndjika okwa li ashike okapulu kelume  shitiwa omupopi gwonale.  Medhingoloko etihetatu Utoni okwa dhenge omukondjithi gwe nongonyo yimwe ndjoka ye mu tula pevi nonando nguka ina yalulwa ngaashi hashi ningwa, Utoni gwokashendjelutu okwa li a tsikile nokuumba oongonyo ngaashi a longwa komudheuli gwe. Medhingoloko etimulongo Uutoni okwa kondekele Silila koongodhi sho emuumbu oongonyo dhokawatawata noku mu dhengapo yimwe yomolutu ndjoka ya hulithapo olugodhi . Opwa li konyala engwangwano molwashoka Silila okwa li ta ningi a fa a dhengwa pevi lyoshiya, ndele konima sho omuhikihiya a pula uuyelele kwaamboka haya kuutumba pooha dhoringa , mbaka oya koleke kutya  shoka kashishi shoshili na Utoni okwa igidhwa oye omusindani.

“Olwa li olugodhi olukukutu  mokukondjitha omudhengingonyo a kindja, oshikwawo aatali yolugodhi oya li taya tilitha, niishewe onda li nda kanitha iitsa itatu pethimbo lyolugodhi anuwa sho nda dhenge omukondjithi gwandje kohi yepaya omanga ndhoka dha ulikwa kutya odhili nawa. Onda kala ndishishi kutya kandina okusa uunye nonda tsikile okukondja nomukumo, okusindana oshishani shika oshoka otashi keegulila ndje iiyelo,” Uutoni a ti.

“Otwa nyanyukilwa esindano ndika sho lya gwedhako komanyakwa gOshiputudhilo sha MTC shuudhengingonyo. Uutoni okwi ilongela shili oshishani shika Shopaigwana oshoka okwa li iilongekidha nawa ishewe okwa li eli nawa palutu noku nelandulathano naashika nashi kale elongo kaadhengingonyo ayehe,” osho omudheuli Nestor Tobias a ti.

 

 

LEAVE A REPLY

Please enter your comment!
Please enter your name here