Ya kwatwa nomayego goondjamba

0
227

 

ONGWEDIVA-Uulunga wokudhipaga iiyamakuti  onkee ngaa tawu tsikile konima sho aalumentu  yane yali yaadhika nomayego goondjamba moRuacana Omaandaha goshiwike shika.

Aalumentu mbaka ya holoka nale mompangu ya Mangestrata  molwuulunga mbuka oyo Paulus Mapole Vatenga  gwomimvo (40)aza komukunda  Omakuva, Petrus Tomona (36) aza kEtunda, Titus Ndolo Kangolo (28) omvalele ya  Ruacana na Martin Halweendo 25 omvalele yokOtamanzi .

Aalumentu mbaka pahapu dhopolisi oyaadhika  pomukunda  Okonyota taya zi kOmakange yuuka kEpalela.

Okwa hokololwa kutya mbaka oya li ya londeka omayego ngaka mohauto yoToyota Corolla noyali ya tulwa mangwapo kOmiya dha Shinana.

Pauyelele mboka wa ningi omasiku tawu gandjwa kopolisi kombinga yaa futhi yiiyamakuti owa ti aantu mbaka omwaalu gwawo ogwa londa pombanda  noonkondo nonande opolisi oya dhikapo etanga lyowina okukondjitha iimbuluma mbika. Ongundu yookomanda dhopolisi ndjoka otayi kala ta yi yi mokuti yi ka ninge omakoonaakono gopolisi.

Okwa hokololwa kutya ngashingeyi aakwashigwana mwakwatelwa naanangeshefa yamwe ya simana oya lopotwa ya kwatwa niinima mbyoka.

Ihe omupopiliko gwopolisi moshikandjohogololo shaMusati Shisande Anna Kunga okwa ti aalumentu mbaka oya holoka mompangu yamangestrata pOutapi na otaya kala yeedhililwa mondholongo poRuacana. Kunga okwa koleke kutya aalumentu mbaka oya adhika nomayego goondjamba mohauto yawo ndjoka ihe ka ya li yena nando omukanda gontumba ngoka tagu ulike kutya oyena uuthemba okukala nomayego ngoka.

Shika nena osha etitha opo ya patelwe mo modholongo. Ethimbo Kundana a shanga ehokololo ndika aalumentu mbaka oyali yeli natango mohofa na kapena uuyelele kutya oya pewa omboloha nenge otaya kala mondholongo.

 

LEAVE A REPLY

Please enter your comment!
Please enter your name here