Aakadhona aashona oya dhana nawa otennis moBulawayo

0
256
Oospana dhaNamibia dhaadhani yomimvo kohi yoomvula 12 nomulongo14 muudhano wotennis mboka taya thigathanapo methigathano nenge motonamende yo International Tennis Federation (ITF) Junior Tennis Tournament moBulawayo sha  Zimbabwe. Mbaka otaya tsikile ishewe medhingoloko etiyali lyethigathano ndika tali kala moBotswana ehuliloshiwike ndika.

 

Windhoek – Aadhani yaNamibia yokohi yomimvo 12 oshowo 14 muudhano wotennis oya mono iizemo iiwanawa pethimbo lyuudhano nenge wethigathano lyopaigwana hali ithanwa International Tennis Federation (ITF) Junior Tennis Tournament ndyoka lyali moBulawayo shaZimbabwe omasiku ngaka.

Ospana ya Namibia oya kalelwapo kaadhani yokohi yomimvo 12 ngaashi Johannes Swartz, Joshua Banard, Albertos Brinkman,Hendrina Apollus na Tinashe Mukumba omanga Diken Dejongh, Luca Monteforte, Gina Moolman na Megan Lombardt oya kalelapo oshilongo mospana yaadhani yokohi yomimvo 14.

Moshitopolwa shaakadhona yokohi yomimvo 12, Hendrina Apollus okwa dhengemo Mhizha Deborah omuZimbabwe niitsa 6-7,6-1,6-1. Ihe nguka okwa ka dhengwa medhingoloko lyalandulako , komudhani omuSouth Africa ngoka eli pondondo ontine payalulo, Suzani Pretorius niitsa 6-0,6-1. Yo mboka ya sindana mokategoli kaadhani yokohi yomimvo 14 mongundu yaakadhona, Gina Moolman okwa yeluthile epandela lya Namibia pombanda  sho aadha oku kadhana kuudhano wa hugunina.

Mondjila ye okuya kuudhano wahugunina Moolman okwa dhengelemo omuZimbabwe, Zhuwakini Charlotte niitsa 6-1,6-0 nokwa tsikile nokudhengamo ishewe Arista Debris niitsa 6-1,6-0 oku ka dhana uudhano wa hugunina moka aka kanitha ompito yokuninga enyakwa sho a dhengwamo komudhani omuSouth Africa, Rochelle Pienaar niitsa 6-2, 6-3 konima sho a li a dhana noonkondo adhihe ndhoka e na.

Aadhani yalwe ya Namibia oya li taya nyengwa no ya kanithile, omaudhano gawo  medhingoloko lyotango nenge mwaandyoka etiyali moongundu dhawo. Ihe aadhani ayehe oyena einekelo kutya otaya ka longa nawa momadhingoloko ngoka gaali gahupako momaudhano ngaka ,ta ga ningwa Olyomakaya ndjika moBotswana.

 

LEAVE A REPLY

Please enter your comment!
Please enter your name here