Chrysander Botha ota topoka noExeter Chiefs

0
214
Eli mondjila yokuthigapo ospana.. Omudhani gokonima gwaNamibia mospana yo rugby Chrysander Botha (a kwata etanga) okwa tegelelwa okuthigapo oklaba ye yoko England yo Exeter Chiefs pehulilo lyoshikako shuudhano nuumvo.

 

Windhoek – Omudhani gwokonima mospana yorugby yopashigwana yoWelwitschias ngoka wo ha dhana uudhano mbuka paithano mospana yo Exeter Chiefs itaka dhanena we ospana ndjoka oshikako shuudhano tashi landula.

Pahapu dhoshifonkundana hashi holoka lwaali moshiwike shedhina UK’s Exeter Express & Echo,  Chrysander Botha okwa tegelelwa okuthigapo ospana ye yaa Ingilisa ndjoka molwashoka ndjika oya tokola opo yaa lelepeke we euvathano lye lyoku yi dhanena uuna ndyoka lya hulu pehulilo lyoshikako shuudhano womumvo 2015/2016.

Botha omunamvimvo 27 okwa joina ospana Exeter Chiefs omumvo 2014, ndele okwa kala ena omashongo ogendji no ina kala nokudhana ethimbo olindji, unene tuu omolwokugulu kwe kwali kwa teka oshowo oshithi she sha li sha zi pehala shoka shaningilwe manga ta dhanene Namibia methigathano lyuudhano nenge otonamende yedhina Namibia’s Northern Hemisphere Tour mu Novemba 2014.

Pethimbo a thikile pokapale ka Exeter Chiefs omumvo 2014, Botha okwa li a tameke nawa sho a tulilemo okoola pethimbo yali ya dhana nokudhenga ospana yokoLondon yedhina London Welsh ye yi dhengele ookoola 52 dhomonola. Omaandaha goshiwike shayi  Botha okwa li wo muudhano wospana ye, Exeter Chiefs mboka womoliha yo Aviva A-League sho ya sindi ospana Northampton Wanderers. –Uuyelele wagwedhwapo owa gandjwa: ku www.exeterexpressandecho.co.uk

 

 

LEAVE A REPLY

Please enter your comment!
Please enter your name here