Joseph a pandula oikombo oyo a pewa  

0
344
Joseph Joseph eli na Kansela woshikandjohoololo sha !Nami#nus Jan Scholtz pefimbo apewa oikombo momukunda o Aus.

Aus-  Omunamido 31 omukalimo womoAus moshikandjohoololo sha !Nami#nus moshitukulwa sha //Karas, Joseph Joseph okwa pandula eshi a ninga elao nokuli umwe womwaavo vapewa oikombo okudja kepangelo momukunda oo opo aka tameke ounafaalama.

Oshiindingili oshali pofaalama yedina Aus Town Lands mo Aus  pexulilo lohani yadjako.Omaumbo eli atatu okwa tofwamo komunambelewa omukulunhu melelo lomukunda oAus, Elizabeth Koopman, nokwa topolelwa oikombo ili omilongo 33, oikombo omilongo 30 yomuyo oikadi, omanga oikombo ili itatu yomuyo oindume.

Eumbo keshe ola pewa oikombo yoikadi ili 10, noshikombo sho shipedi shimwe.

Joseph okwa holola olupandu la ye ta ti, okwa pandula neenghono eshi amona omhito yokuninga omunafaalama, nokwa udaneka kutya otaka tekula oimuna oyo a pewa kepangelo la Namibia noukeka.

“Ohandi kendambala opo ndi tekule nawa oimuna oyo ndapewa, noha ndishi ningi melongelo kumwe nombelewa yomukunda omo ndili o Aus. Ohandi kendabala ngaashi handi dulu opo ndi ifile nawa oshisho yoo idule okuhapupala, ame ndi dule yoo okulimonena sha shomondjato, noku shunifa yoo oikombo imwepo kepangelo opo ika dule oku pewa yoo vakwetu vamwe. ” Joseph osho a tumbula nelimemesho.

Kepulo kutya ye okuna tuu onhele opo ta dulu oku katekulila oikombo oyo apewa, okwa nyamukula kutya mefimbo lopaife otava kala ashike manga mofaalama omo aveshe vapelwa oikombo, na Kansela woshikandjohoololo sha !Nami#nus Jan Scholtz okwe va timwaumbilifa kutya otava ka  tulululwa nokupewa eenhele, omo tava dulu oku ka tekulila oimhuna yavo.

Joseph okuna etumwalaka eli yukifa movanyasha, tati ovanyasha nava kendabale oku ninga omaehelo aasho vewete vapumbwa notava dulu oku shilonga shi dule oku lundulula eenghalamwenyo davo, eembelewa moikandjohoololo ota di yandje omavatelo odula keshe, osho omunhu, una okukala wa ninga osho okuninga eindilo.

 

LEAVE A REPLY

Please enter your comment!
Please enter your name here