Khuse Malakia mwene gwo Khuse FC a hulitha

0
498
Khuse Malakia pethimbo ali ta dheula osipana ye Khuse Football C lub.

 

OSHAKATI-Okatanga kokoompadhi oka dhengwa ondhimbo onene keso lya Malakia Khuse ngoka ali mwene nomudheuli gosipana yo Khuse FC mOshakati.

Khuse oku shiwike koyendji mboka ha ya landula omaudhano moshitopolwa sha Shana nomiitopolwa yilwe moshilongo sho ali a dhana onkandangala meyambulepo lyetanga lyokoompadhi.

Khuse okwa li gumwe gwomiilyo yolutu halu lele okatanga kokoompadhi (NFA) mOshana nokwa li wo oye omuwiliki gwosipana yaamati yeli kohi yomimvo 20 yaShana ndjoka ha yi kuthombinga muudhano woThe Namibian Newspaper Cup sigo omvula yazako. Nuumvo ka li a vulu okuya nosipana koKavango omolwuunkundi mboka wa li we mu fala sigo omeso.

Oyendji mboka ya longa naye oya li yeshi hokolola nkene ali shili ehole omaudhano noku li gumwe ali aningi omaudhano ongeshefa nokwa li ta likola iiyimati iiwanawa.

Khuse okwa li tango a toto po oshiputudhilo shoku zula uunona uushona okuza pomimvo 13-17 moka uumati mbuka wuli shili hawu pewa omadheulo ga kwata miiti nolwindjii oosipana oonene odha kala hadhi landa aadhani ku Khuse, oku nkondopaleka oosipana dhawo.

Konima okwa li a toto po osipana ndjoka yishiwike sigo onena Khuse FC ndjoka ha yi yambuka mEvululuko mOshakati ndjoka yakala hayi yama aadhani koshiputudhilo, osipana ya Khuse FC oya li ya tyakaleke oosipana koliha yOmaalala hoka yali ya sindana oliha nokuya koliha ya Shana yoSecond Division hoka yali ya hulile pehala etitatu sho oliha yali yeya pehuulilo nuumvo.

Khuse Malakia ngoka ta fumbikwa ongula mOshakati, okwa thiga po omwaka omunene moshimpungu shetanga lyokoompadhi uunene tuu moshitopolwa shaShana.

 

LEAVE A REPLY

Please enter your comment!
Please enter your name here