Martha oye Miss OATF

0
458
Aaasindani yatatu yethigathano lya Miss Ondangwa Trade Fair. Aakadhona ayehe mboka yali ya kuthombinga methigathano lya Miss Ondangwa Trade Fair Olyomakaya ga yi mOndangwa.

ONDANGWA – Iipindi yaNdangwa nuumvo oyali unene ya tala ombinga komainyanyudho. Ngaashi wo ha ye shi longekidha shito okwali kwa ningwa ethigathano lyomukadhona dhingi. Oontana dha Nelende dhaza mondoolopa yaNdangwa nomoondoolopa dhopuushiinda odhali dha kuthombinga.

Ethigathano lyomukadhona kaakunawe olya li lya ningwa mOlyomakaya ga ziko mono ootaliwashele yeli 12 ya li ya thigathanapo opo pu monike ngoka ta katuka nawa nawa oshowo ngoka ta pungulula oonto evule ayehe nokuyamukula omapulo shi vule shoka shuuthwa.

Martha Nelondo gwoomvula 17 omukalimo gomondoolopa yaNdangwa oye ali a ulikwa ontana dhingi sho a thigipo ayehe 11. Nelondo okwa li a nyanyukwa pethimbo ta zalekwa oshishani shika shomukadhona dhingi miipindi yaNdangwa.

Celine Imbile omvalele yaTsumeb oye a sindanapo ehala lyaFirst Princess, Magret Domingo okwa sindana oshishani shehala etiyali  nenge 2nd Princess ye Miss Personality okuulikwa oye Melanie Mathews.

Omukadhona dhingi okwa li a zalekwa oshishani she ku Magdalena Ipumbu ngoka oye ali a sindanapo oshishani shika momumvo 2015.  Nelondo okwa sindanapo iishani oyindji nokwali a nyanyukwa mokusindanapo oshishani shika wo.

Sedjo Mind, Alex and Shyer, Kay Three na Exit oyali ya mwenyeke nokuhika oongalo noondjimbo dhawo oshowo okundanisa  pethimbo lyethigathano ndika no ya li ya thigi aatali taya pula oshindji.Jackson Peuyelenga Da Silva ngoka oye gumwe gwaalongekidhi yethigathano ndika okwati olya enda nawa lela ngaashi ya li ya thaaneka, noku yelekanitha naandyoka lyomumvo gwayi.

“Otuna omathaneko omanene ngele ta shiya komathigathano ngaka, ngaashi ondoolopa yetu tayi koko nawa otwa hala opo omathigathano gaakadhona dhingi ga kale taga ningwa ando aluhe yo aakadhona taya ulike iipewa yawo, kushi kutya Miss Namibia/Miss World otaka za peni koomvula dhokomeho, otwa hala tu dheule aanona manga yeli poomvula dhopetameko yo ya kale ya pyokoka nawa,” Da Silva ta ti.

Da Silva okwa pandula elelo lyondoolopa yaNdangwa, omunangeshefa Pub, Exclusive Cleaning Services, Da Silva Modelling oshowo Mediva Fishing omolwa eyambidhidho ndyoka ya gandja opo ethigathano li ende nawa. Okwa ti ota ya kala ta ya longekidha ethigathano ndika olundji yo ya yambulepo iipewa yaaagundjuka.

 

Miss-OATF1

 

LEAVE A REPLY

Please enter your comment!
Please enter your name here