Omukulupe mompangu molwekwatokoonkondo lyokamatyona

0
352

OPUWO-Omukulupe omulumentu gwomimvo 70 okwa holoka mompangulilo yaMangestalata mOpuwo sho ali a tulwa konima yekumba sho a kwata ta fekelewa ekwato lyomunona gomumati goomvula omugoyi koonkondo.

Oshiningwanima osha ningilwa momukunda Ondore moshikandjohogololo shaPuwo moshitopolwa Kunene mEtitano lyoshiwike sha ziko.

Sho a holoka komeho yomupanguli, omukulupe Langman Tjituri Tjipingana, kali a pulwa iipopile. Okwa lombwelwa owala kutya oshipotha she oshuundulilwa komasiku 20 Juli opo a pewe ompito yoku ikongela omukalelipo gopaveta. Kali woo a ethiwa opo iifutile mo mondholongo, ano ota kala mokakuma sigo omomasiku 20 Juli.

Okwa hokololwa aakuluntu yokanona hoka anuwa ka kwatwa koonkondo haya zi megumbo limwe nangoka eka kwata onkonga lwopotundi onti 10h00 yongula.

Kamatyona ngoka okwali ta litha iikombo yaandjawo mwa kwatelwa noya Tjipingana ngoka emukwata koonkondo.

Anuwa okamatyona okwa tameke ta nyenyeta kutya okuuvite omutse neloloko noka tokola opo ka lale kohi yomuti ka vululukwe.

Omutamanekwa nguka okwa adha nduno omunona nguka a vululukwa momuti nguka nokumu longela iilonga mbika ikumithi ndele anuwa temu tilitha kutya ngele okwe shipopi ote mu dhipaga.

Konima yomasiku gatatu oshiningwanima shaningwa nale kamatyona okwa lombwele aanona yaandjawo mboka ya tokola opo ya lombwele aakuluntu oshoka oshiningwanima oshinene.

Ngashingeyi omutamanekwa nguka okwa mangwa po nokwa holokele mompangu yaMengestalata gwaPuwo mOmandaha goshiwike shika. Omakonaakono gopolisi moshinima shika otaga tsikile.

LEAVE A REPLY

Please enter your comment!
Please enter your name here