Oshigwana ka taliiko oosino dheni kOnendongo

0
410
Dhimwe dhomoondoongi ndhoka inaadhi mona natango ooyene nodheedhililwa moshigunda shaandja mwene gomukunda Onendongo muumbugantuninginino wOshakati.Opolisi oya indile oshigwana opo shi ka taleko koshigunda hoka ngele okuna oosino dhawo.

ONENDONGO- Opolisi moshitopolwa shaShana otayi indile aakwashigwana mboka ya kanitha uusino wawo ya ninge ekwatathano naakonaakoni yomoshitopolwa shoka opo ya ka dhimbulule oondongi dhawo ndhoka dhali dheedhililwa moshigunda momukunda Okaku.

Aakonakoni mbaka oya ti oondongi ndhoka dhali dha hupa dhina omwenyo dhomoondongi 36 odhali omilongo 26 ihe omulongo nane odha dhimbululwa nale kooyene.

Aakonaakoni mbaka oya ti ngashingeyi uusino mbuka owuli moshigunda sha mwene gwomukunda Onendongo tatekulu Shoopala Nandago.

Oya ti kutya kehe ngoka ta fekele uusino we wa kana na ninge onkambadhala opo aye popilisi onene yaShakati ye a ulukilwe ehala hoka oondongili dhe, dheedhililwa.

Ashike naamboka yopomikunda dhopopepi oya tegelelwa oku ka dhimbulula uusino wawo ngele na yo oya kanitha uusino.

Uusino mbuka owali womwaamboka wa tetagulwa nomakatana naamboka woo watsuwa sho anuwa wa li po iilya konima sho wa gwayele mepya iikando oyindji.

Aapolisi oya ti ngashingeyi uusino mbuka owuli miikaha ya mwene gwomukunda ngoka iiyamba okuwulitha nokuwu edhilila, ashike ando oshiwanawa ngaa ngele ooyene taya ka entamenako opo ya tale ngele taya dhimbululapo wawo manga kuyele.

“Ngashingeyi tatekulu Nandago ote tu iyambele ongaakonaakoni ta tu konaakona oshipotha shika oshoka katuna oshigunda moka tatu vulu oku edhilila uundoongi mbuka,” omukonaakoni gumwe ati ngaaka.

Mboka yali taya tamanekwa moshinima muka ngashingeyi oyeli mondholongo natango konima sho ya holokele mompangu yaMangestrata mOshakati moka ya li ya tindilwa oku ifutilamo.

Oshipotha shawo osha undulilwa komasiku gahamano gomwedhi tagu ya, omanga omakonaakono gopolisi moshinima shika taga tsikile.

 

 

donkeys

 

LEAVE A REPLY

Please enter your comment!
Please enter your name here