Uuvidio waFreeda wa paife otau dhanwa ko MTV Base

0
239

Windhoek-Omuimbi omuNamibia gwoongalo dho Afro-pop, Freeda, okwa popi kutya uuvidiwo we uyali woongalo dhe Mojo na Change The world, owa mona ompito yoku ulikwa noku dhanwa ko MTV Base ya South Africa.

O MTV Base oyo opologalama ndjoka hayi dhana oovidio dhoongalo dhaa hikingalo konyala ayehe muuyuni, mboka yena oongalo oombwaanawa, nodhili ponkantu yopombanda, okuza komulyo gwongalo ngaashi RnB, Hip-hop, Soul noUrban.

“Otwali twa mono ombaapila ndjoka yaza kehangano lyo MTV Base, kutya oongalo dhandje otadhi ka tamekwa okudhanwa hoka, noshali enyanyu enene kungame. Ondi uvite uugumbo nuunambano, molwoongalo dhetu ndhoka dhili dha yalulwa pondje yiilongo,” Freeda ta ti.

Oshitalenti sha Freeda osha tamekele oomvula 15 dhaka pita, moka Freeda akala noku ulika uunongo we mpaka naampeyaka.

Ngaashingeyi Freeda okuli ashainwa kehangano lyoWestcoast D.O.C, hoka oko eli ta ningile oongalo dhe.

Oalubuma ye ndjoka ontiyali yedhina Chronicles, okwa li eyi pitha omvula yazako, no yali ya humbata ehwata lyoongalo 12.

Oalubuma ndjoka oya li ya ningwa muule woomwedhi 12, komusindani gwomakopi ngoka omuNamibia gwedhina Arrafat. Oalubuma ndjika oyemu pethitha oombandi odhindji, molwoongalo ndhoka dhilimo dha kala nokudhanwa kooradio dhomoshilongo, nokomapandja gointaneta ogendji.

Oongalo ngaashi, Change the World, Mutjaka, Mojo, No Money No Honey, odho dhili tadhi dhana onkandangala moalubuma muka.

Freeda oye ishewe omuhikingalo moNamibia gwotango ali athaanekitha uuvidio konyala kehe ongalo yali moalubuma. Uuvidiwo awuhe woongalo mbuka owa thaanekwa kehangano lyo Kim Xp, okuza kuumbugantu waAfrica.

Freeda okwali ishewe a popiwa olundji sho oye ali aningi etseyitho lyokavidio neuliko lyoalubuma ye lyuudha nawa, unene tuu kiikundaneki.

Nonando Freeda kali asindana nando ekopi limwe koshituthi shegandjo lyomakopi kaahikingalo dhingi aaNamibia (NAMAs) omvula ndjika, okwa ti ye itaka shuna nande oshithi monima, nuunongo we otawu pula komeho.

“Otu hole shi hatu ningi, noongalo ohatu dhi ningile aayambidhidhi yetu, nonando ine sindana sha, otandi pula komeho,” Freeda ta ti ngaaka.

 

 

LEAVE A REPLY

Please enter your comment!
Please enter your name here