Vapewa oikutu yo Karate ku Kansela Scholtz

0
367

 

Lüderitz – Kansela woshikandjohoololwa sha !Nami#nus Jan Scholtz okwa yandja omaano oikutu yo Karate oshoyo oilongifo yokulideulifa yongushu yooN$8500, ko Ryushinkan Karate mo Lüderitz oshivike shaya.

Mokuyandja omaano oludi eli  Kansela wa !Nami#nis okwa tumbula kutya, ombelewa yaye oya vatela okuyandja oikutu noilongifo oyo hailongifwa moku deula oudano ou wo Karate mo Lüderitz.

Scholtz ta tumbula kutya oudano woludi eli lo Karate owa pumbiwa moshiwana shaashi ovadeulwa otava deula omalutu avo osho, tashi kwafele moku vakoleka komalutu,  noudano wa tya ngaha ohaulongo yoo omudeulwa eduliko.

Ryushinkan Karate oya totwa mo Lüderitz modula 2015 konima eshi vafiyapo oKarate Zen modula 2014.

Okarate oina ounona vefike 42 ovo velinyolifa, ovalumenu veli 30, novakainhu veli 12. Omudeuli wo Ryushinkan Karate, Bonnie Kabozu okwa pandula unene Kansela Scholtz eshi a yambidida noku xwaxwameka oudano woRyushinkan Karate moshikandjohoololo shaye.

Kabozu okwa tumbula kutya pefimbo eli okwe lipyakidila nokudeula ovalongwa vaye opo vaka kufe ombinga mefiyafano olo tali ka kalako mu Juli ko Port Elizabeth mo South Africa.

 

 

LEAVE A REPLY

Please enter your comment!
Please enter your name here