Ya yi miipandeko moluukongo waali paveta

0
196

Walvisbay- Opolisi oya kwatapo aalumentu yatatu mboka yaadhika ya dhipaga osino yimwe.

Aafekelwa muukongo inaawu pitikwa mbaka oya adhikwa wo anuwa yena oombwa dhuukongo dhili hamano mofaalama yili momudhingoloko gwaUsakos moka yo ya li ya dhipaga oshinamwenyo shika.

Mwene gwofaalama ndjika anuwa okwa kwatapo po oombwa adhihe hamano etedhi tula moshihauto she ashike yimwe oya nukamo eta yi fadhuka po .

Mwene gwofaalama sho a ka mona ombwa ndjika okwe yi yaha ali eshi ndjika ontiheyali ye ya ishewe oku konga mo iiyamakuti ye.

Oombwa ndhoka dha hupu po dhili ntano ngashingeyi odhili miikaha yoS.P.C.A mOmbaye pahapu dhomupopiliko gwopolisi.Aalumentu mboka ya kwatwa po oyena oomvula dhili pokati komilongo 23, 25 noshowo 31 no ya holokele mohofa ya Mangestrata moshilando shokomunkulofuta oshiwike shika.

Moshitopolwa omo tuu moka, opolisi oya lopotelwa eso lyomulumentu gwomimvo omilongo 21 ngoka taku fekelwa a yakuwalwapo komakuthikuthi gefuta eta sile mefuta.

Okwa hokolowa kutya omulumentu nguka okwa li a kana puyakwawo mboka ali nawo pondingosho yomanwino yili moKuisebmund mOmbaye omasiku omilongo 25 gwomwedhi gwa ziko ihe omudhimba gwe ogwe kiitsuwa gwa kaama kombanda yomeya Olyomakaya ga yi lwopokati komutenya. Nakusa okwali dhimbululwa kutya oye Erastus Kapofi naakwanezimo oya tseyithilwa nale.Omakonakono gopolisi otaga tsikile natango moshinima shika.

 

LEAVE A REPLY

Please enter your comment!
Please enter your name here