A yahwa kuWalye moWindhoek

0
256

Havana-Katutura -Omulumentu gwomimvo omulongo 19 gwomolukanda lwaHavana moKatutura kaVenduka okwa lemana mokugulu sho a ya hwa omanga a li a tegelela oTaxi mepandaanda lyomolukanda ndoka oshiwike shayi.

Uuyelele wa gandjwa komupopiliko gopolisi moshilandopangelo ota wu hokolola kutya omulumentu nguka okwa yahwa mokugulu ko kolumoho mokati kuusiku okupendukila Olyomakaya ga ziko.

Okwa hokololwa kutya anuwa nakuyahwa okwali eli nookuume ke ya thikama popate mpoka ya tegelela uulefa  omanga ya thikama anuwa oyuuvu omutopelo gwondjembo popepi nayo.

Nokonima okwa uvu ashike oshinima shiidhenge moku gulu kwe etashi mu ehameke. Naa sho ya tala nawa oya mono ashike kutya nani okwa yahwa mokugulu.

Na ku ehamekwa nguka okwa taambelwa moshipangelo shepangelo moKatutura moka taku hokololwa eli monkalo yili nawa.

Omupopiliko gwopolisi Omuinspekta Omukuluntu Slogan Matheus okwa ti opolisi otayi longo nuudhiginini  oku mona kutya iikuti yondjembo mbika oya ziilila peni , noya za kondjembo yalye.

Kapuna nande ogumwe a kwatwa moshinima shika,ashike omakonaakono gopolisi otaga tsikile.

Moshilandopangelo omo tuu moka molukanda lwaKuryangava, omulumentu gwomimvo omilongo 22 okwa nuka mokalefa etaya hwa komuhingi gwolefa ndjoka nokusa.

Oshiningwanima shika osha ningwa kuyele uusiku wOlyomakya gapiti.

Okwa hokololwa kutya aalumentu yaali oya nuka mokalefa taka tondoka  etaya fadhuka po. Ashike omuhingi gwokalefa hoka okwa tokola opo eya umbe.

Gumwe okwa yahwa pevi lyomugongo nokugwila pevi sigo asi. Mukwawo okwa fadhuka inaa ehamekwa.

Nakuhinga naye aniwa okwa fadhuka po nopolisi oyali  tayi mu kongo natango.

Inspekta Matheus okwa ti kashi shiwike kutya oshike naanaa sheetitha aalumentu mbaka yaali ya fadhuke po noshike sha thiminike omuhingi nguka eya umbe nondjembo.

Ashike nakusa kali a dhimbululwa natango na aakwanezimo kaya li ya tseyithilwa.

Omakonaakono gopolisi otaga tsikile moshinima shika.

LEAVE A REPLY

Please enter your comment!
Please enter your name here