Ama Daz Floor ota yi pula komeho

0
307

 

Ku Pinehas Nakaziko

WINDHOEK –Konima ashike yo ku sindana limwe po lyomomakopi ngoka ha ga gandjwa kaahikingalo dhingi moNamibia kehe komumvo gwo NAMAs, ongundu yaamati yane yedhina Ama Daz Floor, natango onkene yeli taye shi enditha nawa.

Ama Daz Floor ongundu ndjoka yali yasindana ekopi lyaahikingalo dhingi moongalo dho Kwasa moNamibia omvula ndjika, sho yali ya dhenge mo aahikingalo ngaashi Waka, Dama Monique, Diop na Grootman, nongalo yawo ndjoka yedhina True Colours ta ya kwathelwa ku Dama Monique.

Ama Daz Floor oyali ya holola enyanyu lyawo noyati onkene yeli ta ye shi enditha nawa sigo okesiku ndika.

Ongundu ndjoka yili nokuli yatsikila natango okulonga nuudhiginini, unene tuu ngele tashiya mehangano lyoongalo, oya tegelelwa yikakale nokuli yapititha oka vidio kawo kongalo ndjoka yedhina Are you there (Oko ngaa wuli?) muule wethimbo efupi.

Okavidio haka oyali yekathaaneke ehulilo shiwike ndika lya piti, pamwe nomuthaaneki guuvidio dhingi ngoka atseyika nawa onga Sondo.

Ongalo ndjoka yawo oyali yazi moalubuma yawo ontitatu yedhina Omalenga, ndjoka yali ya piti omwedhi gwaziko, noyali yatseyithwa noku ulikwa kOmbaye, petameko lyomwedhi nguka po Villakazi lounge.

Oalubuma ndjika yina ehwata lyoongalo 18, noyina oongalo tadhi nyanyudha ngaashi Nandipitepo, Take You There na Are you there, oyo yimwe yatalikako onga oalubuma ndjoka Ama Daz Floor yalonga nuudhiginini.

Sixa ngoka oye eli oshilyo shimwe shaa imbi otati ka kwali oshipu oku etapo oalubuma ndjoka, nonando oyali yamono ekwatho okuza ngaashi kuSisa Namandje, Nalitungwe Bar naahikingalo mboka yalonga nawo.

Ngaashingeyi oyeli taya topolele oalubuma yawo mpaka naampeyaka oshilongo ashihe, noyeli taya longekitha okuninga iizalomwa yoAma Daz Floor mbyoka opo ya kondo no alubuma ngaashi uumbindja, uugala noombulukweya.

Caption: Ongundu yoAma Daz Floor ndjoka yili taye shi enditha nawa mehangano lyoongalo

Picture: Ama Daz

 

 

LEAVE A REPLY

Please enter your comment!
Please enter your name here