Bulelo a nyanyagula mukuve nookahandja

0
434

KuMaria Namupala

ONDANGWA – Aaholi yuudhano woongonyo mbono ha ya yambidhidha Edison Hipondoka Bulelo oya li ya thigwa ya nyanyukwa moshipala sho Bulelo ali a dhengemo omukondjithi gwe medhingoloko etiyali lyuudhano. Bulelo okwa li ayi methigathano nomukondjithi gwe  Donisius Mukuve ngoka a yambukile koLuderitz, Mukuve okwali a dhengwamo yimwe nopevi, mono a ka tokola kutya ita tsikile we a ye kethigathano lya landulako.

Uudhano mbuno wa li wa longekidhwa ko Smart Boxing, owali wa ningwa Olyomakaya ga piti wa ningilwa mOndangwa nengathithi enene lyaaholi yuudhano woongonyo olya li puudhano mbuka. Vilho Shikeva ngoka oye gumwe gwomaaunganeki nokuli omupopiliko go Ours boxing okwa ti uudhano auhe owe enda nawa ngaashi ya li ya thaneka. Smart boxing bonanza owa dhanwa oshikando oshititatu mondoolopa yaNdangwa.

Shikeva ta ti aaholi yoongonyo oya li ya holoka momwaalu ogundji, yo taya tala nkene aamati ta yi ipe dhopomeho nonkene taya gu. Tati oyendji oyali ya tegelela uudhano mboka wesiku wa Bulelo naasho a ka dhengamo omukondjithi gwe oyendji oya li ye na enyanyu lyambishi megumbo mwa tselwa oshoka osho ya li ya tega.

Antonio Wamungandjo go Youth Club okwa dhengemo Josua Simon ngoka a yambukile koMambo 5, Matheus Shanghilifa gokoKilimanjaro okwa dhenge moTjaavo David ngoka a yambukile kOpuwo,Samuel Isaak go Ours Academy okwa dhengemo Lipuleni David a zile kOpuwo, Kapeta Kampulu goOurs Academy a dhengwamo ku Jason Immanuel gokoKilimanjaro, omanga Festus Matias Ours Academy a dhengemo Wilhelm Tangeni ngoka a zile koMambo 5.

Shikeva ta ti otaya gandja unene olupandu kwaayehe mboka yeya yambidhidha opo uudhano wawo wokomumvo wu ende nawa. Ta ti mboka yeya yambidhidha unene ongaashi Tauno Ananias (Mr Life) , Mad Dogg omunangeshefa Pub oshowo oongeshefa dhimwe dhomondoolopa yaNdangwa.

 

 

 

LEAVE A REPLY

Please enter your comment!
Please enter your name here