Chiefs Santos a galukila moPremier League

0
214

 

KuShipi Elago

ONGWEDIVA-Odoolopa yaTsumeb oombwa dha kwata odheni, sho Chief Santos eli a galulila uudhano woliha yopombanda moshilongo kegumbo.

Chief Santos, okwa li a dhenge Oshikango Chiefs 7-2 Olyomakaya gazako pokapale kaOscar Norich Stadium moTsumeb noku galukila moliha yopombanda moka yi ihula oku dhana omimvo hetatu dha piti. Esindano ndika enene olya li lya holoka montaneho yengathithi enene ndyoka lya kala lya sa enota okumona osipana yawo ta yi dhana moPremier League ethimbo nuule. Chief Santos okwa li a gumo moliha yo po mbanda mo 2008 konima sho ali a dhana nuunkundi moka ali owala apondola okusinda omawudhano geli gaali gwomomawudhano geli 22. Osipana yoChief Santos oya kala yina ondjokonona, na olwindji pomimvo dho 1997-1998 oya yamitha osipana yopashigwana ano oBrave warriors naadhani kamana.

Aadhani ngaashi Gervatius Uri Khob, Berlin Auchumeb, nosho wo Mohammed Auseb mboka ya li ya fala osipana yopashigwana kekopi lyiigwana yAfrica mo 1998 oya li ha ya dhanene osipana yo Chief Santos. Osipana ndjika oyina ondjokonona yo ku sindana po oliha iikando iyali sho ya ningi enyakwa mo 1993 no 2003. Kakele koliha, Chief Santos okuna ishewe ondjokonona okusindana po ekopi lyoNFA konima sho oye ali enyakwa lyekopi ndika mo 1994, 1998, 1999 no mo 2000.

Chief Santos okwa li wo a dhana onkandangala momakopi gAfrica oka olwindji ali a dhengwa mo momadhingoloko gwo tango noshikando shimwe okwa li a ndopa oku dhana omawudhano ga Afirca omwolwa omukundu gwoshimaliwa oku ya mu Africa.

Konima sho ali a gumo moliha mo 2008 aadhani ye oyendji oya li ya landithwapo koKK Palace ndjoka yali ya yelwa yelwa oku ya moliha nando kaya li ye shi pondola okwiikaleka moliha ndjika ethimbo nuule.

Osipana yoCuca Tops ndjoka ya li ta yi ningi sha namutango na Chief Santos, yo ina yi sho pondola oku ya koPremeire League sho ya li ya dhengwa 3-4 ku Bingo FC moRundu Olyomakaya ga za ko.

Chief Santos 1: Gwumwe gwo maayambidhidhi yoChief Santos.

Chief Santos 2: Konima yokahiya ka hugunina aayambidhidhi yo Chief Santos oya li yena enyanyu lya fa lyaMbishi megumbo mwatselwa.

 

 

 

LEAVE A REPLY

Please enter your comment!
Please enter your name here