Immanuel na Malakia otaye kiipa dhopomeho mepaya lyopashigwana

0
349

kuShipi Elago

OSHAKATI-Odolopa ya Shakati oyili ta yi ka ninga ondjokonona sho uudhano wepaya lyopashigwana ta wu ka dhanwa lwotango ta wu ka kala pokati ka Immanuel Mungandjela na Peter Malakia.

Uudhano mboka wu li kohi yokalaba ya Kilimandjaro Boxing, ota wu ka kalako ehuuliloshiwike taliya momasiku 28 May 2016 pehalandjandja lyomatala omape mOshakati. Uudhano wa Mungandjela ota wu ka tetekelwa komalugodhi ge li omugoyi moka uudhano wesiku ta wu ka kala pokati ka Kapena Naindjala na Jason Mashala.

Ehangano lyo Profile Investment Holding olyo thimba yinongodhi mwkwashilipaleko lyuudhano mbuka naashika oshikando osititatu tali kwashilipaleke uudhano mbuka. Omukwateli komeho gwuudhano mbuka Joseph Benhard mwene gwoKilimajalo Boxing okwa ota indile aakalimo yomOshakati noodoolopa dhopuushiinda opo ya ka holoke momiyalu ominene pomatala omape mOshakati opo ya ka nyanyudhwe kodha kahandja. Uutekete ota wu kosho N$ 100 wakwalukeshe aakuluntu omanga aanona N$40, mboka yahala oku kuutumba puuhona nena oya tegelelwa ya ka fute N$ 200.

Oshitaafula shina aantu 10 ota shi kosho N$ 8000. Uudhano mbuka ota wu tetekelwa kuulalelo wokugongela oshimaliwa mboka ta wu kala ko ongulohi yonena poshinyanga shOshakati Guest House. Olupandu olunene na lu ye ku Vaino Nghipondoka na Armas Amukwiyu sho yeli ta ya longo nuudhiginini okuyambula po omawudhano koshitopolwa shokiimpungu pamakwatho gwoshimaliwa.

Kilimanjaro 1: Immanuel Mungandjela mokambulukweya okatokele pethimbo ali molugodhi omvula ya zako

 

LEAVE A REPLY

Please enter your comment!
Please enter your name here