Koopman a hafifwa kongeshefa M’Lady Hair Salon.

0
248

KuTuulikki Abraham

Aus – Omunambelewa omukulunhu momukunda o Aus moshikandjohoololwa sha !Nami#nus , moshitukulwa sha//Karas Elizabeth Koopman okwa hafela ongeshefa M’Lady Hair Salon and Barber shop ili moAus.

Koopman okwa tumbula kutya epangelo osho la hala ovanhu tava kendabala ngaashi ongeshefa yoludi eli. Mwene wongeshefa Shireen Engelbrecht oye umwe wo mwaavo vali va ninga omaindilo omavatelo opo va dule okutotapo eengeshefa davo.

Modula 2015, Engelbrecht okwa li a pewa oilongifo yomo Salon a dule okutotapo ongeshefa yaye yokukosha ovanhu momitwe noku wapaleka nawa eexwiki davo. Okwa pelwe etemba lokukoshela ovanhu momutwe, oshitengelelo, oukelela neemhendu.

Omafiku a djako Kundana okwali a talelepo osalona ei M’Lady Hair pamwe nomunambelewa omukulunhu melelo lomukunda oAus Koopman. Engelbrecht okwa wapaleka nawa onduda imwe ili konima yeumbo laye lili molukanda Khaubeb mo Aus,  omo atula oilongifo oyo ali apewa opo aka tameke ongeshefa yaye.

 

” Epangelo laNamibia osho nee la hala ovanhu tava longo ngaha, omunhu okwali ashike a pewa oulongifo vashona opo aka tameke ongeshefa yaye, ndele paife ongeshefa ota i longo nawa, okwa landela mo oinima ihapu ngaashi eexwiki dokupanda, omaadi omeexwiki, eefewa dokulikosha momutwe noinima ikwao. Nomonhele otamu monika nawa.” Koopman osho apopi pefimbo a talelepo ongeshefa ei. Koopman okwa kumike ovanangeshefa vanini, ovo veli momikunda ngaashi o Aus kutya, omunhu ngeenge oto kendabala okuya komesho nokashona oko wa pewa, nena epangelo, ile omahangano oo haa vatele noku yambulapo ovanangeshefa vanini, otava dulu okuku yambidida, opo ongeshefa yoye iye komesho, ikule  noi dule okuyandja yoo oilonga ku vamwe.

Engelbrecht okwa tumbula kutya mosalona omo ohava kosho ovanhu momitwe noku kelela eexwiki noku va kamula nawa, oha va pande, nokulandifa yoo eexwiki.

Mosalona omuna yoo okakululilo, omo ovanhu ha ve ya okukululwa noku fewekwa nawa.

 

 

 

 

 

LEAVE A REPLY

Please enter your comment!
Please enter your name here