NUST a patulula oradio

0
341

Ku Pinehas Nakaziko

WINDHOEK –Shimwe po shomiiputudhilo yelongo lyopombanda moNamibia, sho Namibia University of Science and Technology (NUST), osho ya egulula omiyelo dhiilonga yawo iipe yoradio ndjoka yanunimwa okunyanyudha, nokugandja omatumwalaka gayoolokathana kaanasikola.

Oradio ndjika yedhina NUST FM, yili meke noyakwatelwa komeho kaa kalelipo nasikola ya NUST (Student Brands Ambassador) oyili tayi pulakenwa okuziilila kepandja lyawo lyo Intaneta www.nustfm.na, oyali ya totwa po omvula yaziko, noyali yayi miilonga omvula ndjika. Roger Kangootui, omutseyithi gworadio ndjika nokuli omunasikola poshiputudhilo shika okwati edhiladhilo enene lyoku etapo oradio ndjika olyali lyazi sho oshiputudhilo shali sha lukululwa okuza kuPolytechnic of Namibia (PoN) oku ninga NUST, nelalakano oku gandja ekwatathano pokati kaanasikola, noku eta po omuthigululwakalo omupe moshiputudhilo onga ehumokomeho.

Oradio ndjika otayi ka kala ishewe oku gandja omauyelele kaanamidhingoloko ayehe mboka yahala oku uva shoka tashi inyenga moshiputudhilo. Oopolohalama ndhoka tadhi gandjwa ku NUST okuziilila moradio ndjika ongaashi ndhoka dhonguta yongulonene, okugandja omapukululo, ndhoka dhomutenya dhomayinyanyudho ngaashi oongalo, naandhoka dhelongelo kalunga okuza mEtiyali.

“Oradio ndjika otweyininga ashike manga opo yikale tayi pulakenwa okuziilila ko Intaneta oshoka aanasikola ya NUST oyeli ya andjakana oshilongo ashihe, nelalakano opo kehe omunasikola eli moNUST akale anothelwako kushoka tashi inyenge moshiputudhilo,” Kangootui tati. Okwagwedha po ishewe tati momasiku Juuli 15 ota ya kaninga oshituthi opo yakadhane eyete po lyoradio ndjika, kaanasikola ayehe.

Caption: Aalongwa mboka yeli oyo yakwatela oradio yoNUST FM komeho

LEAVE A REPLY

Please enter your comment!
Please enter your name here