Omathaneko nkene taku adhika eyokomeho pamahupilo.

0
242

Moshitopolwa oshitine oshiwike shayi otwa popi esimano lyekoko momahupilo ndyoka lya pumbiwa opo pu holoke oompito dhiilonga.

Oshiwike shika otatu popi kombinga yoonkatu ndhoka dhina okulandulwa opo omahupilo ga koke go ishewe ga kale gena engungumano. Oonkatu tadhi landulwa okwaadha shika pethimbo lyomathaneko goHarambee ongaashi:

Oonkatu dhelongitho lyoshimaliwa tadhi dhengele otadhi ka tulwa miilonga: Epangelo ohali longitha oshindji mokulanda iipumbiwa [ngaashi iikwambapila, iihauto, omalweendo oshowo omahala gokukala]. Nonando epangelo ohali landa oshindji ngeyika, ndika iha li kuthilwako okuza komahangano ngoka ha ge li pe omayakulo ngaka opo ando nalyo li hupithe oshimaliwa. Olundji oondando ohadhi gwedhelwa nonando iipumbiwa mbyoka iha yi pula oshimaliwa shi thike mpoka.Shika ohashi ningwa ashike molwashoka epangelo olyo tali landa iipumbiwa mbika. Onkalo yokuyugilamo epangelo ndjika otayi ka mona ehulilo pethimbo lyomathaneko goHarambee taga tulwa miilonga.

Shika otashi ka ningwa sho Oshikondo Shiimaliwa tashi ka tala nawa omaindilo gaamboka ya hala okugandja iipumbiwa tayi mbesitelwa kepangelo. Elalakano olyo okuhupitha oshimaliwa. Oshikwawo ooshika kutya NPC ota ka talulula kombinga yiimaliwa mbyoka hayi longithwa moopoloyeka dhehumokomeho opo mbika yi longithwe nawa nongushu yayo yi longe nawa.

Etalululo neopaleko miilonga yepangelo: Omwaalu omunene ngoka epangelo hali longitha ogo okufuta oondjambi dhaaniilonga. Ngaashi oondjambi dhaaniilonga omumvo gwiimaliwa go 2016/2017 ogwa thikama pooN$25 oobilliona. Opena omatompelo omawanawa okufuta iimaliwa mbyoka moondjambi. Ndele ethimbo olya thikana  opo ku talike nkene omwaalu nguka tagu ngambekwa no itaaku nayipikwa egandjo lyomayakulo.Moshinima shika ombelewa yOmuprima Minista oya tulapo nale oonkatu dhokutala nkene iimaliwa hayi futilwa oondjambi tayi shonopekwa .Oonkatu ndhika otadhika talwa nawa okupitila  moonkundathana momumvo gotango goHarambee. Omathaneko ngoka ga talika taga vulu okutulwa miilonga otaga ka tulwa miilonga omumvo gwa landula pethimbo lyo  Harambee. Oshilalakanenwa oshinene osho okungungumaneka omwaalu ngoka hagu futithwa oondjambi dhaaniilonga  gu kale pomuthika gumwe miizemo yepangelo ngoka tagu monika kutya nguka otagu vulika ethimbo alihe.

Okutala kutya oshike shasimana opo pu longithwe iimaliwa: Epangelo otali tsikile nokuninga oonkambadhala okulongitha nawa

oshimaliwa. Mompito ndjika omuthindo otagu ka tulwa kiinima mbyoka  tayi ka etapo ekoko momahupilo oshowo oompito dhiilonga.Okumona shika Oshikondo Shiimaliwa nOkommissi yOmathaneko Gopashigwana otaya ka longela kumwe moku ninga ekonakono lyankene iimaliwa hayi longithwa nawa naandika otali yi sigo omethimbo lya landulako lyokutalulula elongitho lyoshimaliwa ndyoka tali ningwa moKotoba 2016. Etalululo ndika otali konene wo omwaalu ngoka gwa pumbiwa okulongithwa komahangano  omagandji gomayakulo ngaashi omeya nolusheno okushonopeka ehepeko.

Omikalo okugongela oshimaliwa:

Dhimwe dhomomikalo okugongelela epangelo iiyemo ongaashi. Okugongela nawa iifendela: Okusoshimpwiyu kutya iifendela oya gongelwa nawa, ehangano lyokugongela iifendela lyiithikamena otali ka thikamekwapo omumvo gwotango gwetulo miilonga yoHarambee.Shino osha kwatelamo okutala nkene elelo tali longo nawa okutala kutya nkene taku longwa  naamboka haya yanda okufuta iifendela unene tuu moshinima shetaambathano lyoondando.Enenepeko momwaalu gwaafuti yiifendela, oonkambadhala otadhi ningwa  opo ku monike omwaalu tagu indjipala  gwaamboka taya futu iifendela nenge oonzo odhindji dhiifendela.

Iifendela tayi futwa kwaamboka ye na oshindji. Namibia okuli natango oshigwana shina onkalo yi na okwaathike pamwe mokati kaakwashigwana , pamuthika gwo GINI Coefficient. Epangelo otali konakona ngele otali vulu oku etapo iifendela yuukwawo wanankali tayi futwa kwaamboka haya mono iimaliwa oyindji nenge mboka yena eliko olindji. Iimaliwa mbika tayi zi miifendela mbika ota yi ka longithwa ashike melalakano lyoopoloyeka  dhehumithokomeho.Iimaliwa mbika ota yi ka futwa koohandimwe oshowo omahangano ngoka haga mono iiyemo yapitilila  omuthika gwontumba ngoka tagu ka uthwa pomumvo gotango gwoku ya miilonga yomathaneko goHarambee.Iifendela mbika otayi ka hula okufutwa  okuya pomumvo 2030.

Okakommittee ka shewa kiifendela : Ota tu kadhikapo okakommittee kowina kiifendela  hoka taka kala ka thikamapo moohandimwe moshikondo shepangelo oshowo mwaashoka shopaumwene. Elalakano lyokakommittee haka osho okutala nawa nkene iimaliwa mbika ya gongelwa ngeyi otayi longithwa nawa okukuthapo oluhepo.

Ewiliko lyiifendela lyakwatathana [ITAS]: Okuhuepopeka omukalo gwokuyalula iiyemo yepangelo opwa totwa omulandu  omwaanawa mewiliko lyiifendela ngoka tagu yi miilonga  momumvo omutiyali gwetameko lyoplana yoHarambee.

Oompito dhimwe dhoonzo dhiimaliwa

State Lottery: Epangelo otali konakona ngele otashi vulika okutulapo ehala lyokudhana opo omuntu a vule  okusindana oshimaliwa shomwaalu gwontumba. Yo iimaliwa mbika tayi zi mokudhana hoka otayi gwedhele kiiyemo yepangelo nelalakano okuhulithapo oluhepo.

Elunduluko melongitho lyiimaliwa

Etungepo lyiiyalo olya pumbwa omikalo dhiili nodhiili  dhokufutila iilonga mbika  kakele kokuyi tula mobudgeta. Epangelo olya zimina nale omulandu gwelongelokumwe  pokati kepangelo noshikondo shopaumwene. Okuopaleka elongo nawa megandjo lyootendela yepangelo opwa tulwa nale oompango oshowo ontotwaveta yo PPP otayi ka tulwa poshitaafula megumbo lyopashigwana omanga Desemba inaa pwako nuumvo.

Eopaleko lyomahangano gepangelo. Omahangano gepangelo ohaga dhana onkandangala onene  mokuyakula epangelo okweetapo ekoko momahupilo noku etapo oompito dhiilonga. Oshowo egandjo lyomayakulo koshigwana. Omupya omunene oguli mpoka kutya  omahangano gamwe gepangelo  olundji oga pumbwa ekwathelo lyopashimaliwa okuza kepangelo opo ngaka ga vule okulonga.Oshikwawo omahangano galwe oge na omaliko omanene ngoka itaaga longithwa nawa naashika otashi fala mpoka kutya omaliko gamwe ngaka itaga etele omahangano ngaka iiyemo yasha, ano oga talika ashike gafa iimaliwa nenge uuyamba waana omwenyo. Moshinima shika Oshikondo shOmahangano gEpangelo osha pewa oshinakugwanithwa okuetapo omathaneko ga nkene omahangano ngaka taga vulu okulonga nawa okwiimonena iiyemo opo ga shonopeke eikwatelelo lyago kiimaliwa yiifendela okuza koholomende.Ethaneko ndika olya tegelelwa okukala lya gandjwa koshikondo shika omanga S    eptemba 2016 inaa thika pehulilo.

LEAVE A REPLY

Please enter your comment!
Please enter your name here