Ookalyamupombo miipandeko

0
361

KuLoide Jason
ONGWEDIVA-Opolisi moshitopolwa shaMusati otayi tumbuleke aakwashigwana yomoshitopolwa shawo sho aniwa taya longele kumwe nopolisi, shoka sheya kwatha yikwata oombudhi dhoka dhali dha ninga oonkambadhala dho kuyaka omanga dhili mondapo.Omupopiliko gwospolisi moshitopolwa moka warrant Lineekela Shikongo okwati aalumentu yatatuya homata nondjembo noshowo oombele oya ponokele omukulukadhi gwomuChiina omanga ali ta pata ondunda ye yomalandithilo etaye mupula a patulule. A n i w a s h o y e m u p u l a omukulukadhi nguka okwa kugu muule sigo aaChiina ooyakwawo yaalumentu yeli yaali ta yeya nokuhupitha omukiintu nguka moshiponga shookalyamupombo. Ookalyamupombo mbaka aniwa sho ya mono aaChiina yaali taya matuka yeya kumukwawo ngoka a kugu oya fadhukapo inaya zamo nasha ashike opolisi naakwashigwana oyali ye yali mokashoko sigo taya mangwa. Omuhingi gwokahauto oka tokele kokaHundai hoka kali taka ende aafekelwa, okwali a kwatwa mpoka omanga yakwawo yaali ya kwatwa esiku lya landula sho aakwashigwana ya notheleko opolisi nuuyelele mboka wa eta pondondo yakwatwe.
Omadhina gaamboka taya fekelelwa uufudhi mbuka ogo Jacky Panduleni (26), Haitembu Josef (29)na Simon Sackaria (33) yaza miikandjohogololo ya yooloka Anamulenge, Oshakati west noshowo Okahawo. Mbaka yazi nokutumbulwa oya holoka nale mompangu mokahao momandaha. Moshitopolwa tuu omoka momasiku geli 6 May momukunda gwedhina Onemanya, molukanda lwedhina Uukuvu aalumentu yaali oyali ponokele mondunda yedhina Eland Super market moka yali ulike omukadhona ondjembo etaya pula omukadhona aka gandje iimaliwa mboka yili mosikilo dhondunda. Okalyamupombo mbaka oya
fadhukapo noshimaliwa koomuma shoondola omayovi N$ 39386, ihe sho ya kwatwa oyali ya adhika ashike noondola N$34321. Mbaka nayo aniwa oyali ya kwatwa sho aakwashigwana ya nothele ko opolisi yawo. Mbaka omadhina gawo oyo nee Kornelius Shiimi (29) na Theofilus Henock (31). omakonaakono gwopolisi otaga tsikile minima mbika
yopaali.

LEAVE A REPLY

Please enter your comment!
Please enter your name here