2pack okwa pumbwa oshimaliwa shomaudhano

0
223

KuShipi Elago

OKAHAO-Frans Panduleni ngoka a tseyika nawa koyendji 2Pack okwa li iidhenge ondjila okudhingoloka oshitopolwa shaMusati nelalakano oku gongela oshimaliwa opo a ka kuthe ombinga kuudhano womanyakwa koSwitzerland.
2Pack oku li monkugo yi na onkambe oshoka uudhano womalolelo gwokumupa ompito yokuya kuudhano wOlympics owuliko momasiku gane ga Juni ashike sigo ompaka okwa gongelapo ashike oshimaliwa shooN$ 5000 shoka ali apewa kaa kwashigwana yokoMusati. Omupopiliko gwe Eva Josaphat okwa ti okakomitiye ko Paralympic moNamibia ina ka hala oku kwathela omudhani nguka, na oya kutha onkatu opo ya itsike omukundu gwawo komapepe nando osha li oshinakugwanithwa sha Paralympic Committee.
2Pack okwa li a talelepo oodoolopa ngaashi Oshikuku, Okalongo,Outapi,nosho wo Okahao moka ali a thikimo lwopotundu ontine komatango nomo ali a hulile noku hinga ombasikela ye nokwa li a londo mohauto.
“Aakwashigwana yomoMusati oya li shili ye tu yambidhidha na ota tu ya pandula unene ke yambidhidho lyawo”,Eva ta ti.
2Pack oku na ashike oshiwike shimwe netata opo a gongele noku etepo ooN$ 55000 opo a wa pe aye molweendo oku ya ko Switzerland oshoka payife oye na po ashike ooN$ 5000 ndhoka ya zi na yo kOmusati.
Nando olweendo nduka oluli lwa taalelwa kendangalati lyoshimaliwa, Eva okwa ti ye oku li a tokola opo a fale 2Pack kOlympics.
Ehuliloshiwike ndika otwa thinda kOshikoto hoka wo ta tu ka talelapo oodolopa dhomOshikoto ta tu tameke nOndangwa.
Mbaka yaali oya tegelelwa opo ya ka thigepo oshitunda Namibia pehulilo lyomwedhi nguka.
Oonkambadhala okumona Namibia National Paralympic Committee odha li dha inaadhi pondola sha pethimbo Kundana a yi kenyanyangidho. 2pack ota ku tiwa oha hingi 60-70km mowili no ta vulu oku ya a ka kalele po Namibia kOlyimpics na oye awike hadhana uudhano woludhi nduka moNamibia

LEAVE A REPLY

Please enter your comment!
Please enter your name here