Enzuna dhingi moTotem ota li ka sindana oshindji

0
227

KuMaria Namupala

ONDANGWA – Ngaashi hashi ningwa omumvo kehe nonuumvo okwa thanekwa opo ethigathano lyenzuna dhingi moTotem li ka pewe omagano noshindji ngaashi lye shi ilongela.
Ethigathano ndino ohali ningwa mekwatelokomeho lyOshakati Town council mono nuumvo ya longo kumwe noKashipu Brand opo ethigathano ndika li ka ende nawa. Ethigathano lyenzuna dhingi olya thanekwa opo li ka kaleko momasiku gaali ga Juni mono kwa tegelelwa oontana dhana katyepa dhili omulongo (10) dhi ka kuthe ombinga.
Sandro Ithana ngono oye gumwe gomaayunganeki yethigathano ndika okwe shi yelitha kutya omumvo nguka oya ninga omalunduluko ogendji no ye na omukumo kutya ethigathano otali ka enda nawa. Oshiindingili otashi ka ningilwa pokapale komaudhano mOshakati .
“Otwa li twa taamba omwaalu goontana dha nelende lyuugwanga ogundji no twa yi moshihogololitho, mono mwa ka yambuka aakadhona omulongo mboka ya tegelelwa ya ka kuthe ombinga momasiku ngoka twa thaaneka, shino oshi li oshitopolwa shomauliko gomazimo ngono ha ga ningwa aluhe mOshakati omumvo kehe,” Ithana ta ti.
Ithana ta gwedhapo kutya molwaasho oTotem ota yi tameke metitano ndika sigo omomasiku gane (4) Juni okwa tegelelwa uukadhona mbuka wuka kuthe ombinga miinyangadhalwa ya yooloka , wo tawu monika koshigwana kutya owo tawu ka kutha ombinga.
Aahikingalo yomomudhingoloko oya tegelela oyo ya ka mwenyeke esiku ndyoka mono mwa kwatelwa Ndume, Lbht,Dutchess Elanah noyendji. Oshiindingili shontana dhingi otashi ka tameka poheyali komatango no taku pulwa opo aanyasha naakehe ngoka ena ehalo a kale a holoka ye a tale nkene oonto tadhi pungululwa nonkene uukadhona moshili hawu vulu okwi imemeha noku tanauna omeho.
Ethigathano olya kwashilipalekwa kOshakati town council, Koko Lounge, Kashipu, Letu Urban wear, Omtata, Katololi, Coca Cola, Deal Done Record na yalwe. Molyomakaya goshiwike shika omanzuna ngaka otaga ka monika poKoko Lounge mOngwediva moka taya ka kala taya yotha onyama noku nyanyukilwa pamwe.
Liina Jakob oye a li a ulikwa ontana dhingi omumvo gwo 2015 no taka zaleka ngoka ta sindanapo epapa ndika lyontana dhingi nuumvo. Ithana okwa gwedhapo ta ti omathigathano ngaka ohaga gandja ompito no ha ga kala ga egulukila okakadhona kehe kena ehalo. Okwa ti ota pu ka sindanwa oshindji no ta pu ka kala omainyanyudho gatya shoo.

LEAVE A REPLY

Please enter your comment!
Please enter your name here