Katenda iikanyuna omitoto ndhoka a totelwa

0
767

KuLoide Jason

ONGWEDIVA –Omusitagongalo gwOngeleki yaAnglikana moNamibia, Lukas Kaluwapa Katenda okwa ekelehi omapyopyo ngoka tage mu popilwa kutya okwa ka tota ongeleka yoshiveva.
Omusita nguka okwa ekelehi woo omapopyo ga taandela moshigwana, taga ti anuwa okuli nenge pamwe okwali moshipangelo a dhengwa noonkondo koshiluli.
Sho a pulwa a yelithe iinima mbika omusita nguka okwa ti omapopyo ngaka ka ge shi goshili no ta ga nyateke edhina lye.
Katenda okwati gumwe gomomitoto ndhoka dhiihanene moshigwana tagu ti ota toto ongeleka ye yOshiveva oge mu halutha oshoka ye ina enda nale moshiveva na kena esiku a to te ongeleka ina enda mo nale. Mboka ya tota omahokololo ngoka anuwa ota ya ti kutya Katenda okwa ka tota Ongeleka sha zilile pomaipumo mumwe pethimbo lyomahogololo gOmubisofi. Oshinima shika anuwa osha ka hulila ko South Africa hoka oko kwa ka ulikwa Omubisofi omupe ngoka opo a langekwa mOngeleki yaAnglikana moNamibia Ihe omusita omugundjuka okwa ekelehi omapopyo ngaka a ti ka gena uushili.
Okwati ye ke na omadhilaadhilo go ku tota Ongeleki yOshiveva no “pethimbo ndika ndii iipyakidhila niinakugwanithwa yandje, ye yakulo lyopausita mbyoka ta yi tungu okukalamwenyo kwandje noshigwana ashihe shaKalunga shoka handi yakula nehungomwenyo lyaanandjokana naamboka ya hala okuya mondjokana.” “Ngame koAnglikana onda zi owala mOmbelewa yuuAmushanga nUudhiginini wIiniwe, ashike ondili natango Omupristeli ano Omusita mOngeleka yetu yaAnglikana.
“Ngashingeyi otandi longo kOshiputudhilo shOpombanda shoka tashi dheula aasita yoongeleka dhiili nodhiili, shoka shi li mOvenduka, ta shi ithanwa nedhina Namibia Evangelical Theological Seminary (NETS), naamboka ya hala okuuva kutya NETS oshike naya thike ko ye ki italele ko yo yene.
“Oshiputudhilo shoNETS osha pitikwa kepangelo lya Namibia, oku pitila mOshikondo Shelongo, molutu lwedhina Namibia Qualification Authority (NQA), no National Council of Higher Education (NCHE), osho woo koongeleki ndhoka hadhi tumu ko aalongwasita. Ongeleki woo yaAnglikana na yo ohai tumu ko aalongwasita sigo oompaka” Katenda ta ti ngaaka. Mo NETS ohatu gandja oonkatu muuTeoloxi oku za konzapo sigo okonkatulongo yo Honours Degree (NQF-level).
“Peha lyokupopya Katenda, aantu na ye ye yiilonge Uuteolohi opo ya vule oku yakula oshigwana shaKalunga nawa,”osho Katenda a gwedha ko ngaaka. “Huka okuna iilongwa iiwanawa, pautelohi nopaMbiimbeli oshowo pankalathano.” Katenda ta ti ngawo. Katenda okwa kala ta longo mOmbelewa yOngeleki ya Anglikana, onga Amushanga nOmudhigininigwiiniwe, kohi yewiliko lyOmubisofi, nakusa Nathaniel Ndaxuma Nakwatumbah.
Katenda okwa li woo iinekelelwa kOmubisofi Nakwatumbah oshinakugwanithwa oku tonatela egongalo nOshitayingelki shaTsumeb, he shi yakula oku za kOvenduka, omolwompumbwe yaasitagongalo mongelki.
Omupilisiteli nguka ina holeka nando kuKundana okwa ti aakwashigwana ngashingeyi oye li po yena omahokololo ogendji naangoka taga tilitha noku halutha omuntu oshoka omuntu hele a valwa ega uve. Limwe lyomomahokololo omatilithi oongoka taga ti Katenda okwa dhengwa kiiluli mbyoka aniwa yemu ehameka sigo ta yi moshipangelo.
Katenda okwa ti ye okuli nawa na ina dhengwa nale kiiluli monkalamwenyo ye kena ontseyo yokutya iiluli ohayi dhenge aantu sigo ota ya yi moshipangelo.
Okwa ti ndhika odha nakalindi na otadhi halutha noonkondo adhihe. Okwa hokolola woo kutya aniwa yamwe otaya dhenge woo ongodhi ta ya ti kutya anuwa ota fofodholwa a tota po ongundu yopolitika ndjoka kaa yi na edhina sigo opo mpaka.
Katenda ngoka a li ta yolo sho a pulwa kuKundana okwa ti iinima yimwe iihwepo okuyola oshoka ka yi na oonkondo dhasha.
Ihe okwa dhenge omuthindo kutya ngashingeyi aantu na ya kaleke edhina lye lya yela oshoka mwaa ayihe mbyoka ya hokololwa kamuna uushili washa, nokwati ye ota kala Omupristeli gwaAnglikana sigo osiku Omuwa ta popi shimwe shi ili.
Katenda okwa tameka oku longa koshiputudhilo shoka momasiku omugoyi ga Mei nuumvo.KATENDA

LEAVE A REPLY

Please enter your comment!
Please enter your name here