mudheuli gwaambokisi a pumbwa ekwatho

0
245

KuEba Kandovazu

Ongwediva-Omukokoli nomutoti gwoklaba yaadhengingonyo Power-Power Development Promotion Academy okwa indile ekwatho lyoshimaliwa okuza kaanangeshefa oshowo aasihenda aawanawa miitopolwa yokuumbangalantu opo ya kwathele oshiputudhilo shika shoku dheula aadhengingonyo.
Risto Ashikoto ngoka oye a toto po oshiputudhilo shika okwa ti okwa nwethwamo noku tsuwa omukumo komudheuli gwaadhengingonyo omuNambia Nestor Sunshine Tobias ngoka a tseyika wo nawa muuyuni auhe ngele tashiya pokudheula noku humitha komeho uudhano woongonyo.
Ashikoto okwa ti okwa hala oku mona gumwe gwomaadhengingonyo ya dheulwa koshiputudhilo she a sindana epaya lyuudhengingonyo muAfrika noku eta ndika koNamibia. Pahapu dhAshikoto omudhengingonyo gumwe moshiputudhilo she, Nathnael Kamati ota ulike ombepo yuunyakwa sho nguka a lwa omalugodhi omulongo nalimwe nokwa kanitha ashike olugodhi lumwe lwomomalugodhi ngaka sigo oompaka.
Okwa ti aadhengingonyo yalwe opo ta ya tameke uudhengingonyo ihe nando ongaaka mbaka na yo oye na onakuyiwa ta yi etitha oonkondo nomukumo.
“Otwa pumbwa ekwatho lyopashimaliwa opo tu longekidhe otonamende yokudhenga oongonyo iikando itano lwaampoka , nelalakano okukwathela aadhengingonyo yetu oku ihumitha komeho mokuumba oongonyo.
Oshiputudhilo shika oshi ilongekidha okuninga Uumbangalantu ehala lyomanyakwa mokudhenga oongonyo. Ndele shika otashi vulu ashike oku ninga shoshili ngele ota tu longele kumwe ongo omuntu gumwe.” Ashikoto a ulike.
“Ota tu kakala tu na uulalelo woku gongela oshimaliwa mu Juni.Na otwa thaneka oku kala nomaudhano goongonyo getu gotango momasiku gaali ga Juli pehalandjandja lyendiki lyoongeshefa lyoAndimba Toivo ya Toivo mOndangwa.
Okwa fatulula kutya oshiputudhilo she osha taalelwa keshongo lyokukala inaa shi tseyika natango nawa kaantu nokaa kalimo yo moshitopolwa shika , a ti okwaa tseyika huka ota ku ngambeke ompito yoshiputudhilo shaadhengingonyo shika opo shi koke ngaashi sha tegelelwa.

LEAVE A REPLY

Please enter your comment!
Please enter your name here