Suzy ota ka topola uunongo we womusika

0
211

KuSelma Neshiko

Windhoek-Omunamagano momusiki nomuhiki gwenkuma Suzy Eises ota ka topola
ontseyo ye yo musiki naaholi yomusiki pethimbo lyoshigongi iilonga kombinga joJazz
pendiki lyoFranco-Namibian Cultural Centre Omaandaha tu uka.
Suzy ngoka a tseyika nawa mokuhika enkuma ota ka kala noshigongi iilonga
okulonga aaholi yo Jazz kombinga yoludhi lwomusika ndjika. “Onda tegamena okulonga aantu opo yu uveko uuwanawa wo jazz noku ninga o
shitopolwa sha yo moku pandula omwiityo gwa yo.Omusika yo Jazz oyo elaka hali uvikako kwaamboka ya hala oku kwatathana pomuthika gomuule nomusika ndjika. Omusika ndjika oyi na sha nemanguluko, uukwambepo nombili. Ootundi ndhika odha egulukila aantu yomapipi agehe opo yi ilonge omikanka dho jazz” osho a ti.
Eises oti ilongele oJazz ko Univesiti ya Brigham Young mo Idaho ko Amerika. Pethimbo ndika oti ilongo oshikako shika okupitila mo inteneta no konima ota ka shuna kosikola ye okukiilonga eli miipundi.
Omvogu pethimbo omunamusiki nguka iile pefudho okwa li wo a gandja ootundi dhoku hika enkuma oshowo okahumba.Mootundi dhOmaandaha Eises ota ka dhenga ashike omuthindo kombinga yondjokonona yo Jazz nosho wo kombinga yo ku hika enkuma ndika petameko. “Ongomwiilongi gwo jazz onda hala okulonga aantu oyendji ngaashi tashi vulika kombinga yomusiki ndjika oshowo nkene enkuma ndika hali hikwa. Ngele oho hiki oshilongitho shomusiki
shontumba shi etelela. Ngele iho hiki sha mootundi ndhika oto ki ilongamo oshindji.”osho Eises a ulike.
Oshigwana otashi kumikwa opo shi faalele iihikomwa yasho ngele osha hala oku kuthombinga, omanga mboka yaa na iilongitho otaya kala ya pulakena manga ye ta longo nkene ojazz ya holokapo.
Suzzy ota ka hika wo omaimbilo ge gamwe pethimbo lyootundi ndhoka tadhi tameke petata lyotundi ontimulongo nontimugoyi komatango. Ofuto pomweelo ooN$10.

LEAVE A REPLY

Please enter your comment!
Please enter your name here